ડભોઈ તાલુકાના શીરોલા ગામે શ્રમજીવીએ ઝેરી દવા પી લેતા તેનું મોત નીપજયું હતું. મળતી વિગત મુજબ ડભોઇ તાલુકાના શીરોલા ગામે રહેતા 55 વર્ષના પ્રવીણ મગન તડવી ગત બપોરે 12:30 વાગ્યે પોતાના ખેતરમાં ગયા હતા ત્યારે જંતુનાશક દવા કોઈ અગમ્ય કારણસર પી લીધી હતી. તેમને સારવાર માટે ડભોઈની બી એ પી એસ હોસ્પિટલમાં અને ત્યાંથી વધુ સારવાર માટે સયાજી હોસ્પિટલમાં રીફર કરવામાં આવ્યા હતા. જ્યાં તેમનું મોત નીપજ્યું હતું. કયા કારણસર અંતિમ પગલું ભર્યું તે જાણવા ડભોઇ પોલીસે પૂછપરછ શરૂ કરી છે.
