Month: June 2026

ગુજરાતમાં ચોમાસાની રાહ જોઈ રહેલા લોકો માટે હવામાન નિષ્ણાત અંબાલાલ પટેલે મહત્વપૂર્ણ આગાહી કરી છે. તેમના જણાવ્યા અનુસાર, રાજ્યમાં 15 જૂન સુધી હળવાથી મધ્યમ વરસાદી ઝાપટાં જોવા મળી શકે છે. આ વરસાદ ખેડૂતો તેમજ ગરમીથી પરેશાન લોકોને થોડોક રાહત આપશે.

અંબાલાલ પટેલના અનુમાન મુજબ, રાજ્યમાં ચોમાસાની ગતિવિધિઓ 15 જૂન પછી વધુ સક્રિય બનશે. ખાસ કરીને 20 જૂનથી 28 જૂન વચ્ચે ગુજરાતના અનેક વિસ્તારોમાં સારો અને વ્યાપક વરસાદ પડવાની શક્યતા છે. દક્ષિણ ગુજરાત, મધ્ય ગુજરાત અને સૌરાષ્ટ્રના વિસ્તારોમાં આ સમયગાળા દરમિયાન વરસાદી માહોલ જામે તેવી સંભાવના વ્યક્ત કરવામાં આવી છે. દક્ષિણ સૌરાષ્ટ્રમાં પણ ચોમાસું ધીમે ધીમે ગતિ પકડશે.

વહેલા વરસાદની વાત કરીએ તો 13, 14 અને 15 જૂન દરમિયાન દરિયાકાંઠાના વિસ્તારોમાં વરસાદ પડી શકે છે. ઉપરાંત, 16 જૂન સુધી રાજ્યના કેટલાક ભાગોમાં છૂટાછવાયા વરસાદી ઝાપટાં જોવા મળી શકે છે. જોકે, ચોમાસાનો સારો અને વ્યાપક વરસાદ 20 જૂન બાદ શરૂ થવાની શક્યતા વધુ છે.

અંબાલાલ પટેલે વધુમાં જણાવ્યું છે કે 7 જુલાઈ સુધીમાં ચોમાસું દેશના મોટાભાગના વિસ્તારોને આવરી લે તેવી શક્યતા છે. જેના કારણે આગામી અઠવાડિયાઓમાં વરસાદી પ્રવૃત્તિમાં વધારો જોવા મળી શકે છે.

અલ નીનોની અસરને લઈને ચિંતા

ચોમાસા અંગેની આગાહી વચ્ચે અલ નીનોની અસર પણ ચર્ચાનો વિષય બની છે. હવામાન વિભાગના અનુમાન મુજબ, આ વર્ષે અલ નીનોની અસર ચોમાસા પર જોવા મળી શકે છે. તેના કારણે દેશમાં સરેરાશ કરતા ઓછો વરસાદ નોંધાવાની શક્યતા વ્યક્ત કરવામાં આવી છે.

હવામાન નિષ્ણાતોનું માનવું છે કે અલ નીનોની અસરને કારણે વરસાદના વિતરણમાં અસમાનતા જોવા મળી શકે છે. કેટલાક વિસ્તારોમાં ભારે વરસાદ પડી શકે છે, જ્યારે કેટલાક વિસ્તારોમાં વરસાદની અછત સર્જાઈ શકે છે. સરેરાશ વરસાદમાં લગભગ 10 ટકા સુધી ઘટાડો થવાની પણ આશંકા વ્યક્ત કરવામાં આવી રહી છે.

અલ નીનો અંગે અંબાલાલ પટેલનું અનુમાન

અલ નીનો અંગે અંબાલાલ પટેલે પણ ચેતવણી આપી છે. તેમના જણાવ્યા અનુસાર, આ વર્ષે ચોમાસા પર અલ નીનોની અસર જોવા મળી શકે છે. જોકે, તેમણે જણાવ્યું કે અલ નીનોના કારણે તમામ વિસ્તારોમાં સમાન અસર નહીં થાય. કેટલાક વિસ્તારોમાં ભારે વરસાદની પરિસ્થિતિ પણ સર્જાઈ શકે છે.

અંબાલાલ પટેલના મતે, જુલાઈ મહિનામાં વરસાદની સારી સિસ્ટમ વિકસવાની શક્યતા છે, જેના કારણે અનેક વિસ્તારોમાં સારો વરસાદ થઈ શકે છે. તેમ છતાં, જુલાઈ દરમિયાન પણ અલ નીનોની અસર અનુભવાઈ શકે છે અને વરસાદના પેટર્નમાં ફેરફાર જોવા મળી શકે છે.

એકંદરે, ગુજરાતમાં ચોમાસાની મુખ્ય ગતિવિધિઓ 20 જૂન બાદ તેજ બનવાની શક્યતા છે, પરંતુ અલ નીનોના કારણે વરસાદના પ્રમાણ અને વિતરણ પર અસર પડી શકે છે. તેથી ખેડૂતો સહિત તમામ વર્ગના લોકો માટે આગામી દિવસોમાં હવામાનની સ્થિતિ પર નજર રાખવી મહત્વપૂર્ણ રહેશે.

અંબાલાલ પટેલની આગાહી : ગુજરાત અને મુંબઈમાં આ તારીખથી પડશે ચોમાસાનો વરસાદ

ભરૂચ જિલ્લાના હાંસોટ તાલુકામાંથી ખેડૂતોના આક્રોશ અને વહીવટી તંત્ર સામેના વિરોધ પ્રદર્શનના મોટા સમાચાર સામે આવ્યા છે. હાંસોટના ઇલાવ ગામેથી પસાર થતી પાવરગ્રીડ લાઈન અને તેના ટાવર ઊભા કરવાની કામગીરી સામે સ્થાનિક ખેડૂતોએ ફરી એકવાર એક થઈને ભારે વિરોધ નોંધાવ્યો છે. પાવરગ્રીડ કંપની દ્વારા ખેડૂતોની સંમતિ વિના મનસ્વી રીતે કામગીરી આગળ વધારવામાં આવતા હનનનો ભોગ બનેલા જગતના તાતમાં ભારે રોષ અને અસંતોષ જોવા મળી રહ્યો છે.

ખેતરોમાં રસ્તો બનાવી વાહનો ઘુસાડ્યાનો આક્ષેપ

ગ્રામજનો અને પીડિત ખેડૂતોએ ગંભીર આક્ષેપ કરતા જણાવ્યું છે કે, પાવરગ્રીડ ટાવર ઊભા કરવા માટે કંપનીના કોન્ટ્રાક્ટરો દ્વારા તેમના ઊભા પાક વાળા ખેતરોમાં ગેરકાયદેસર રીતે રસ્તો બનાવી દેવામાં આવ્યો છે. આ કાચા રસ્તા પરથી દિવસ-રાત કંપનીના ભારે માલવાહક વાહનો અને મશીનરી પસાર કરવામાં આવી રહી છે. કોઈ પણ પ્રકારની પૂર્વ પરવાનગી વિના આ રીતે વાહનોની અવરજવર થવાના કારણે ખેતીલાયક જમીનને વ્યાપક નુકસાન થઈ રહ્યું છે અને મોંઘોદાટ પાક કચડાઈ રહ્યો છે.

રોષે ભરાયેલા ખેડૂતોની એક જ માંગ: “ખેતીની જમીન બચાવો”

આ ગંભીર નુકસાની અને અન્યાય સામે ઇલાવ ગામના ખેડૂતોએ એકત્રિત થઈને પાવરગ્રીડની ચાલતી કામગીરીને અટકાવીને પોતાનો સખત વાંધો ઉઠાવ્યો હતો. ખેડૂતોનું કહેવું છે કે જો વહીવટી તંત્ર અને કંપની આ જ રીતે મનમાની કરશે તો તેમની આજીવિકાનું એકમાત્ર સાધન એવી જમીન સંપૂર્ણપણે બંજર બની જશે. સ્થાનિક ખેડૂતોએ એકસૂરે વહીવટી તંત્ર પાસે પોતાની કિંમતી ખેતીની જમીન બચાવવાની અને ગેરકાયદે ઘૂસણખોરી બંધ કરાવી યોગ્ય વળતર અપાવવાની ઉગ્ર માંગ કરી છે.

ગુજરાતના વધુ સમાચાર વાંચવા માટે ક્લિક કરો

IPL બાદ ભારત અને અફઘાનિસ્તાન વચ્ચે સિરીઝ શરુ થઈ હતી, જેની એકમાત ટેસ્ટ જીત્ય બાદ હવે ભારતીય ટીમની નજર વનડે સિરીઝ જીતવા પર છે. વરસાદના કારણે મેચમાં ટોસ મોડેથી થયો હતો. ટીમ ઈન્ડિયાએ ટોસ જીત્યો હતો અને કેપ્ટન શુભમન ગિલે ટોસ જીતી પહેલા બોલિંગ કરવાનો નિર્ણય લીધો હતો.

ધર્મશાલામાં 25-25 ઓવરની મેચ

ભારત અને અફઘાનિસ્તાન ટેસ્ટ મેચ બાદ હવે ત્રણ મેચની વનડે સિરીઝની શરૂઆત થઈ છે. જોકે ધર્મશાલામાં યોજાયેલી આ પહેલી મેચમાં વરસાદનું વિઘ્ન નડ્યું હતું, જેના કારણે ટોસમાં વિલંબ થયો હતો. વારસદ બાદ મેચ મોદી શરુ થવાની હોવાથી મેચની ઓવર ઘટાડવામાં આવી હતી. મેચ 25-25 ઓવરની મેચ રમાશે.

A beautiful backdrop for a beautiful prize

The stage is set for the #INDvAFG series opener in Dharamshala

Updates https://t.co/lCuohEZYAl #TeamIndia | @IDFCFIRSTBank pic.twitter.com/v4WEEtakAJ

— BCCI (@BCCI) June 13, 2026

શુભમન ગિલે ટોસ જીતી બોલિંગ પસંદ કરી

ટીમ ઈન્ડિયાના કેપ્ટન શુભમન ગિલે ટોસ જીતીને પહેલા બોલિંગ કરવાનો નિર્ણય લીધો હતો. શુભમન ગિલે કહ્યું કે અમે પહેલા બોલિંગ કરીશું. વાદળછાયું વાતાવરણ છે, તેથી મને લાગે છે કે બોલરોને મદદ મળશે. મને લાગે છે કે તે બેટિંગ કરવા માટે પણ સારી વિકેટ હશે. શરૂઆતની ઓવરોમાં, થોડી સીમ મૂવમેન્ટ થઈ શકે છે, પરંતુ પવન શાંત થયા પછી, મને લાગે છે કે તે ખરેખર સારી વિકેટ હશે. અમે બે ડેબ્યુટર્સ સાથે જઈ રહ્યા છીએ: ગુર્નૂર બ્રાર અને હર્ષ દુબે આજે ડેબ્યુ કરશે. યશસ્વી જયસ્વાલ, પ્રિન્સ યાદવ અને કુલદીપ યાદવ આજની મેચમાં નહીં રમે.

અફઘાનિસ્તાનના કેપ્ટને શું કહ્યું?

ટોસ હાર્યા બાદ અફઘાનિસ્તાનના કેપ્ટન હશમતુલ્લાહ શાહિદી કહ્યું કે અમે પણ પહેલા કરવા માંગતા હતા. આ પહેલીવાર છે જ્યારે અમે ભારત સામે તેમની પરિસ્થિતિમાં રમી રહ્યા છીએ. તેથી બંને પક્ષો માટે આ એક મુશ્કેલ મેચ રહેશે રહ્યું છે અને અમે તે પડકાર માટે ઉત્સાહિત અને તૈયાર છીએ અને આશા છે કે અમે અહીં સારું પ્રદર્શન કરીશું. અમારી પાસે બે સીમર્સ, એક ઓલરાઉન્ડર અને ત્રણ સ્પિનર્સનું કોમ્બિનેશન છે.

Presenting #TeamIndia‘s XI for the 1⃣st #INDvAFG ODI

Updates https://t.co/lCuohEZYAl @IDFCFIRSTBank pic.twitter.com/1tV4kwGpkK

— BCCI (@BCCI) June 13, 2026

અફઘાનિસ્તાનની પ્લેઈંગ ઈલેવન

ઇબ્રાહિમ ઝદરાન, રહેમાનુલ્લાહ ગુરબાઝ (વિકેટકિપર), સેદીકુલ્લાહ અટલ, રહમત શાહ, હશમતુલ્લાહ શાહિદી (સી), અઝમતુલ્લા ઓમરઝાઈ, મોહમ્મદ નબી, રાશિદ ખાન, મોહમ્મદ સલીમ સફી, એએમ ગઝનફર, ઝિયા ઉર રહેમાન શરીફી.

ટીમ ઈન્ડિયાની પ્લેઈંગ ઈલેવન

શુભમન ગિલ (કેપ્ટન), રોહિત શર્મા, ઈશાન કિશન (વિકેટકિપર), શ્રેયસ અય્યર, કેએલ રાહુલ, વોશિંગ્ટન સુંદર, નીતિશ કુમાર રેડ્ડી, હર્ષ દુબે, ગુરનૂર બ્રાર, અર્શદીપ સિંહ, પ્રસિદ્ધ કૃષ્ણા.

FIFA World Cup: અમેરિકાએ કર્યા આટલા બધા ગોલ, જીત સાથે શાનદાર શરૂઆત, પહેલી જ મેચમાં ઈતિહાસ રચ્યો

એક્સપર્ટ્સના જણાવ્યા અનુસાર, ગોલ્ડ (સોના) માં નબળાઈ ચાલુ રહી શકે છે. આ વર્ષે સોનું જાન્યુઆરીમાં 5,595 ડૉલર પ્રતિ ઔંસની રેકોર્ડ ઊંચી સપાટીએ પહોંચી ગયું હતું. જો કે, ત્યારબાદ તેમાં ઘટાડો જોવા મળ્યો છે. રેકોર્ડ ઊંચાઈથી આ આશરે 25 ટકા ક્રેશ થઈ ચૂક્યું છે. આનાથી એવા રોકાણકારોને મોટો ઝટકો લાગ્યો છે કે, જેમણે કિંમતોમાં તેજી ચાલુ રહેવાની આશાએ મોટું રોકાણ કર્યું હતું.

એક્સપર્ટ્સનું કહેવું છે કે, સપ્તાહના અંતમાં દેશ અને વિદેશ બંનેમાં ગોલ્ડમાં હળવી તેજી જોવા મળી પરંતુ આ તેજી ચાલુ રહેવાની આશા નથી. આંતરરાષ્ટ્રીય બજારમાં ગોલ્ડ હળવી મજબૂતી સાથે 4,222 ડૉલર પ્રતિ ઔંસ પર હતું. બીજીબાજુ, ભારતમાં કોમોડિટી એક્સચેન્જ MCX પર આ 1.17 ટકા વધીને 1,50,675 રૂપિયા પ્રતિ 10 ગ્રામ પર બંધ થયું.

સ્ટેટ સ્ટ્રીટ ઇન્વેસ્ટમેન્ટ મેનેજમેન્ટના કોમોડિટી એનાલિસ્ટ આકાશ દોશીએ જણાવ્યું કે, હાલમાં સોના માટે બે પડકારો દેખાઈ રહ્યા છે. પહેલું, અમેરિકામાં ફેડરલ રિઝર્વ દ્વારા વ્યાજ દરો વધવાની આશા છે. બીજું, ડૉલરમાં મજબૂતી છે. આ બંનેના કારણે ગોલ્ડ પર આગળ દબાણ વધી શકે છે. તેમણે કહ્યું કે, ગોલ્ડમાં તેજી ત્યારે જ આવી શકે છે, જ્યારે મિડલ ઈસ્ટ (મધ્યપૂર્વ) માં તણાવ ખતમ થઈ જશે અને ક્રૂડની કિંમતો ઘટીને 80 ડૉલર પ્રતિ બેરલ પર આવી જશે.

UBS નું કહેવું છે કે, ગોલ્ડમાં નબળાઈ ચાલુ રહી શકે છે. શોર્ટ ટર્મમાં ગોલ્ડ ઘટીને 3,850-4,000 ડૉલર પ્રતિ ઔંસ સુધી જઈ શકે છે. અમેરિકન સેન્ટ્રલ બેંકના વ્યાજ દર વધારવાની અસર ગોલ્ડ પર પડશે. વ્યાજ દર વધવા પર ગોલ્ડની ચમક ઘટી જાય છે. મધ્યપૂર્વમાં તણાવના કારણે ક્રૂડની કિંમતોમાં ઉછાળો આવ્યો છે. આનાથી વિશ્વભરમાં પેટ્રોલ, ડીઝલ અને ગેસની કિંમતો વધી છે. આના કારણે અમેરિકા, ભારત સહિત સમગ્ર વિશ્વમાં મોંઘવારી વધવાનો ખતરો વધ્યો છે.

એક્સપર્ટ્સનું કહેવું છે કે, ફેડરલ રિઝર્વ મોંઘવારીને વધતી અટકાવવા માટે આ વર્ષે વ્યાજ દરો વધારી શકે છે. બીજી તરફ, ડૉલર ઇન્ડેક્સમાં મજબૂતીની અસર પણ સોના પર પડી રહી છે. ડૉલરમાં મજબૂતીથી વિશ્વમાં અન્ય કરન્સીમાં ગોલ્ડ ખરીદવું મોંઘું થઈ જાય છે. આની અસર ગોલ્ડની ડિમાન્ડ પર પડે છે.

એનાલિસ્ટ્સની નજર સેન્ટ્રલ બેંકો (કેન્દ્રીય બેંકો) ની ગોલ્ડની ખરીદી પર ટકેલી છે. વિતેલા કેટલાક વર્ષોમાં ગોલ્ડમાં આવેલી અણધારી તેજીમાં સેન્ટ્રલ બેંકોની ગોલ્ડની ખરીદીનો મોટો હાથ રહ્યો છે. UBS નું કહેવું છે કે, સેન્ટ્રલ બેંકોની ગોલ્ડની ખરીદી 750-1,000 ટનની રેન્જમાં રહી શકે છે. તેણે એવું પણ કહ્યું છે કે, જો ગોલ્ડ 3,850-4,000 ડૉલર પ્રતિ ઔંસની રેન્જમાં આવી જાય છે, તો આ ખરીદી માટેની ઉત્તમ તક હોઈ શકે છે.

સરકારી તેલ કંપનીએ જાહેર કર્યું છેલ્લા 4 વર્ષનું ‘સૌથી મોટું ડિવિડન્ડ’, રોકાણકારો થશે ‘માલામાલ’

સુરત શહેરમાં ઓટોરિક્ષામાં મુસાફરી કરતા નાગરિકો સાથે થતી ચીટીંગ, ચોરી અને ગુનાખોરીની ઘટનાઓ પર લગામ લગાવવા માટે લસકાણા પોલીસે એક પ્રશંસનીય અને નવતર પ્રયોગ હાથ ધર્યો છે. લસકાણા પોલીસ સ્ટેશનની હદમાં આવતા તમામ રિક્ષા ચાલકોને એકઠા કરીને એક વિશેષ ઝુંબેશ ચલાવવામાં આવી હતી. આ મુહિમ અંતર્ગત વિસ્તારમાં દોડતી તમામ ઓટોરિક્ષાઓની સઘન ચકાસણી કરવામાં આવી હતી અને કાયદેસરની રિક્ષાઓનો એક મજબૂત ડેટાબેઝ તૈયાર કરવામાં આવ્યો હતો, જેથી શંકાસ્પદ વાહનોને અલગ તારવી શકાય.

સુરક્ષા માટે પોલીસનું અધિકૃત સ્ટીકર અને ડેટાબેઝ

આ નવતર પ્રયોગના ભાગરૂપે લસકાણા પોલીસ દ્વારા તમામ ચકાસાયેલી રિક્ષાઓ પર એક ખાસ અધિકૃત સ્ટીકર લગાવવામાં આવ્યું છે. આ સ્ટીકર જે-તે રિક્ષા ચાલકની સંપૂર્ણ ઓળખ અને પોલીસ વેરિફિકેશન થઈ ગયું હોવાની સાબિતી છે. પોલીસ દ્વારા તૈયાર કરાયેલા ડેટાબેઝમાં રિક્ષા ચાલકનું નામ, સરનામું, મોબાઈલ નંબર અને વાહનના કાગળોની વિગતો નોંધવામાં આવી છે. આ ડિજિટલ અને ફિઝિકલ રેકોર્ડના કારણે હવે કોઈ પણ ગુનાહિત પ્રવૃત્તિ આચરીને રિક્ષા ચાલક સરળતાથી ભાગી શકશે નહીં.

નાગરિકોની સુરક્ષા અને અસામાજિક તત્વો પર અંકુશ

લસકાણા પોલીસના આ અભિયાન પાછળનો મુખ્ય હેતુ સુરતની જનતા, ખાસ કરીને મહિલાઓ અને રાત્રિના સમયે મુસાફરી કરતા નાગરિકોની સુરક્ષામાં વધારો કરવાનો છે. અવારનવાર ઓટોરિક્ષામાં પેસેન્જરના સ્વાંગમાં બેસીને લૂંટ ચલાવતી ગેંગ સક્રિય થતી હોય છે, ત્યારે આ સ્ટીકરવાળી રિક્ષાઓમાં બેસવાથી મુસાફરો સુરક્ષિત અનુભવશે. આ સાથે જ રિક્ષાના વ્યવસાયની આડમાં ગુનાખોરી આચરતા અસામાજિક તત્વો પર સીધો અંકુશ મેળવી શકાશે અને લસકાણા વિસ્તારમાં કાયદો અને વ્યવસ્થા વધુ સુદ્રઢ બનશે.

ગુજરાતના વધુ સમાચાર વાંચવા માટે ક્લિક કરો

ન્યૂઝીલેન્ડના દિગ્ગજ બેટ્સમેન કેન વિલિયમસને આંતરરાષ્ટ્રીય ક્રિકેટમાંથી નિવૃત્તિની જાહેરાત કરી હતી. 35 વર્ષીય વિલિયમસને અચાનક નિવૃત્તિની જાહેરાત કરી બધાને ચોંકાવી દીધા હતા. આ સાથે જ તેની 16 વર્ષની લાંબી અને શાનદાર આંતરરાષ્ટ્રીય કારકિર્દીનો અંત આવ્યો છે.

કેન વિલિયમસને ઈંગ્લેન્ડ સામેની ત્રણ મેચની ટેસ્ટ શ્રેણી દરમિયાન આ નિર્ણય લીધો હતો. આ શ્રેણીની પહેલી મેચમાં કિવી ટીમને હાર મળી હતી. જે બાદ અચાનક વિલિયમસને નિવૃત્તિની જાહેરાત કરતા હવે તે આ શ્રેણીમાં નહીં રમે.

નિવૃત્તિની જાહેરાત કરતા વિલિયમસને કહ્યું, “હું ઘણા સમયથી વિચારી રહ્યો હતો, પરંતુ છેલ્લા કેટલાક દિવસોમાં, તે સ્પષ્ટ થઈ ગયું છે કે આ નિવૃત્તિ લેવાનો યોગ્ય સમય છે. મને ગર્વ છે કે મેં ન્યૂઝીલેન્ડ માટે રમેલી દરેક મેચમાં સર્વસ્વ આપ્યું છે. હું ભાગ્યશાળી છું કે હું મારી શરતો પર રમત છોડી રહ્યો છું.”

2010 માં આંતરરાષ્ટ્રીય ક્રિકેટમાં ડેબ્યૂ કરનાર કેન વિલિયમસને ન્યૂઝીલેન્ડના ક્રિકેટ ઈતિહાસના સૌથી સફળ બેટ્સમેન તરીકે વિદાય લીધી હતી. તેણે ન્યૂઝીલેન્ડ માટે 378 મેચ રમી અને ઘણા મહત્વપૂર્ણ રેકોર્ડ બનાવ્યા હતા.

કેન વિલિયમસને ત્રણેય ફોર્મેટમાં ન્યૂઝીલેન્ડ માટે સૌથી વધુ 19,346 રન બનાવ્યા, જેમાં 48 સદી અને 103 અડધી સદીનો સમાવેશ થાય છે. તે 9,515 રન અને 33 સદી સાથે ન્યૂઝીલેન્ડનો સૌથી સફળ ટેસ્ટ બેટ્સમેન પણ છે.

કેન વિલિયમસને 2016 થી 2024 સુધી કિવી ટીમનું નેતૃત્વ કર્યું હતું. તેની કેપ્ટનશીપ હેઠળ ન્યૂઝીલેન્ડે ભારતને હરાવીને 2021 માં સૌપ્રથમ ICC વર્લ્ડ ટેસ્ટ ચેમ્પિયનશિપ (WTC) જીતી હતી.

કેન વિલિયમસનની કપ્તાનીમાં ન્યૂઝીલેન્ડ 2019 ODI વર્લ્ડ કપ અને 2021 T20 વર્લ્ડ કપની ફાઈનલમાં પહોંચ્યું હતું. જોકે બંને વાર ન્યૂઝીલેન્ડ ફાઈનલમાં હાર્યું હતું અને રનર અપથી સંતોષ માનવો પડ્યો હતો.

કેન વિલિયમસનને 2019 ODI વર્લ્ડ કપમાં પ્લેયર ઓફ ધ ટુર્નામેન્ટ તરીકે પસંદ કરવામાં આવ્યો હતો. કેન વિલિયમસને 2019 માં ICC ટેસ્ટ પ્લેયર ઓફ ધ યરનો એવોર્ડ પણ જીત્યો હતો. (PC:PTI/X/ICC)

Breaking News: ટીમ ઈન્ડિયાનો આયર્લેન્ડ પ્રવાસ થશે રદ ? બેલફાસ્ટમાં રમખાણોએ BCCIની વધારી ચિંતા

પશ્ચિમ બંગાળમાં મમતા બેનર્જીની પાર્ટી તૃણમૂલ કોંગ્રેસ તૂટીને વિખેરાઈ ગઈ છે. 28 વર્ષ જૂની ટીએમસી (TMC) પાર્ટી 28 દિવસ પણ પોતાની હાર પચાવી શકી નથી. તૃણમૂલ કોંગ્રેસના ધારાસભ્યો, સાંસદો અને કાઉન્સિલરો બધા ભાગી રહ્યા છે.

કોલકાતાથી લઈને દિલ્હી સુધી મમતા વિરુદ્ધ બગાવત થઈ રહી છે. નાના-મોટા તમામ નેતાઓમાં પાર્ટી છોડવા માટે હોડ મચી છે. આ દરમિયાન મમતા બેનર્જી પર વધુ એક મુસીબત આવી ગઈ છે. કોલકાતામાં મમતા બેનર્જી વિરુદ્ધ પોલીસે એફઆઈઆર (FIR) નોંધી લીધી છે.

શું છે સમગ્ર મામલો?

હકીકતમાં, માર્ચ 2026માં એક રાજકીય ભાષણ દરમિયાન મમતાએ ચેતવણી આપી હતી કે, જો કોઈ ખાસ સમુદાય એક થઈ જાય, તો તેના બીજા લોકો માટે ગંભીર પરિણામો આવી શકે છે. મમતાના જાહેર ભાષણનો હવાલો આપીને એક વેપારીએ હેર સ્ટ્રીટ પોલીસ સ્ટેશનમાં ફરિયાદ નોંધાવી હતી, જેને હવે કોલકાતા પોલીસે એફઆઈઆર (FIR) તરીકે નોંધી લીધી છે.

અભિષેક બેનર્જીની પૂછપરછ

બીજી તરફ મમતાના ભત્રીજા અને સાંસદ અભિષેક બેનર્જી વિરુદ્ધ પણ પોલીસે પહેલાથી જ એફઆઈઆર (FIR) નોંધી રાખેલી છે. ગુરુવારે સીઆઈડી (CID) એ અભિષેક બેનર્જીની પૂછપરછ કરી છે. નકલી સહીના મામલામાં ગુરુવારે મમતા બેનર્જીના ભત્રીજા અભિષેક બેનર્જી બંગાળ CID સમક્ષ હાજર થયા હતા. અભિષેક હાઈકોર્ટના આદેશ બાદ CID સમક્ષ હાજર થયા હતા.

સાડા પાંચ કલાક સુધી ચાલેલી પૂછપરછ દરમિયાન સીઆઈડીના અધિકારીઓએ અભિષેક પાસેથી તેમની ડાયરી વિશે પણ માહિતી મેળવી હતી. સૂત્રોનું માનીએ તો, સીઆઈડીએ અભિષેકને એ ડાયરી લઈને આવવા કહ્યું હતું, જેમાં ધારાસભ્યોની સહી હોવાનો દાવો કરવામાં આવી રહ્યો હતો. હવે સીઆઈડીએ અભિષેકને 14 જૂનના રોજ ફરીથી પૂછપરછ માટે બોલાવ્યા છે. સીઆઈડીની ઓફિસથી નીકળીને અભિષેક સીધા મમતાના ઘરે પહોંચ્યા હતા.

પોલીસે જહાંગીર ખાનનું સરઘસ કાઢ્યું

આ ઉપરાંત પોલીસે ફલતામાં ટીએમસી નેતા જહાંગીર ખાનનું સરઘસ (પરેડ) કાઢ્યું છે. જહાંગીર ખાનને હાફ પેન્ટમાં ફલતાના એ રસ્તાઓ અને ગલીઓમાં ફેરવવામાં આવ્યો, જ્યાં ક્યારેક જહાંગીર ખાનનો હુકમ ચાલતો હતો. જણાવી દઈએ કે, જહાંગીર ખાન પર જબરન વસૂલાત (તોડબાજી), ગેરકાયદેસર કબજો અને લોકોને ધમકાવવાના આરોપો છે.

Breaking News : સરકારનો મોટો નિર્ણય ! પેટ્રોલ પંપ પરથી હવે આ ગ્રાહકોને નહીં મળે Petrol-Diesel, જાણો શું છે કારણ

ભારત હેવી ઇલેક્ટ્રિકલ્સ લિમિટેડ (BHEL) ને દામોદર વેલી કોર્પોરેશન (DVC), કોલકાતાથી 1×800 મેગાવોટ દુર્ગાપુર સુપરક્રિટિકલ થર્મલ પાવર સ્ટેશન પ્રોજેક્ટ માટે લિમિટેડ નોટિસ ટુ પ્રોસીડ (LNTP) પ્રાપ્ત થઈ છે. આ મંજૂરી હેઠળ કંપની પ્રોજેક્ટ માટે જરૂરી એડવાન્સ એન્જિનિયરિંગ કામગીરી શરૂ કરશે તેમજ મહત્વપૂર્ણ અને લાંબા સમયગાળાના સાધનોની ખરીદી પ્રક્રિયા આગળ વધારશે.

કંપની અગાઉથી જ આ પ્રોજેક્ટના મેઇન પ્લાન્ટ પેકેજ (બોઇલર, ટર્બાઇન અને જનરેટર) માટે સફળ બોલીદાતા તરીકે પસંદ થઈ ચૂકી છે. LNTP જારી થયાની તારીખથી આગામી 10 મહિનામાં પ્રાથમિક કામગીરી પૂર્ણ થયા બાદ DVC દ્વારા મુખ્ય સપ્લાય અને એક્ઝિક્યુશન ઓર્ડર BHELને આપવામાં આવવાની શક્યતા છે. આ LNTP કરારનું મૂલ્ય GST સિવાય રૂ. 90 કરોડથી વધુ હોવાનું જણાવાયું છે, જે BHEL માટે મહત્વપૂર્ણ વ્યવસાયિક સિદ્ધિ માનવામાં આવી રહી છે.

ભારત હેવી ઇલેક્ટ્રિકલ્સ લિમિટેડ (BHEL) ના શેર હાલમાં રોકાણકારોના ધ્યાનનું કેન્દ્ર બન્યા છે. કંપનીનું માર્કેટ કેપ રૂ. 1.31 લાખ કરોડથી વધુ છે, જ્યારે શેરનો વર્તમાન ભાવ રૂ. 377 આસપાસ ટ્રેડ થઈ રહ્યો છે. તાજેતરમાં કંપનીને મળેલા નવા પ્રોજેક્ટ્સ અને ઓર્ડર્સને કારણે બજારમાં BHEL અંગે સકારાત્મક માહોલ જોવા મળી રહ્યો છે. જોકે, શેરનો P/E રેશિયો 82 હોવાનું દર્શાવે છે કે રોકાણકારો કંપનીના ભવિષ્યના વિકાસ પર મોટો વિશ્વાસ વ્યક્ત કરી રહ્યા છે.

કંપનીના નાણાકીય આંકડાઓ પર નજર કરીએ તો BHEL ની બુક વેલ્યુ રૂ. 75.1 છે, જ્યારે ROCE 8.51% અને ROE 6.29% નોંધાયું છે. કંપની પાસે રૂ. 25,450 કરોડથી વધુ રિઝર્વ છે, જે તેની નાણાકીય મજબૂતાઈ દર્શાવે છે. બીજી તરફ, કંપની પર રૂ. 8,187 કરોડનું દેવું પણ છે, જેને રોકાણકારોએ ધ્યાનમાં લેવું જરૂરી છે. છેલ્લા એક વર્ષ દરમિયાન શેરહોલ્ડર્સની સંખ્યામાં વધારો થયો છે, જે કંપની પ્રત્યે વધતા વિશ્વાસનો સંકેત માનવામાં આવે છે.

વિશ્લેષકોના મતે, સરકારના ઇન્ફ્રાસ્ટ્રક્ચર અને પાવર સેક્ટર પર વધતા ખર્ચનો લાભ BHEL ને આગામી સમયમાં મળી શકે છે. જો કંપની સતત નવા ઓર્ડર્સ મેળવતી રહેશે અને તેની આવક તથા નફામાં સુધારો થશે, તો શેરમાં લાંબા ગાળે વધુ વૃદ્ધિ જોવા મળી શકે છે. જોકે, કોઈપણ રોકાણ કરતા પહેલાં કંપનીના મૂલ્યાંકન, જોખમો અને બજારની સ્થિતિનું યોગ્ય વિશ્લેષણ કરવું જરૂરી છે. ( નોંધ : અહીં અપવાંઆ આવેલી માહિતી ફક્ત અપનીં જાણકારી માટે છે. કોઈ પણ રોકાણ કરવા પહેલા નિષ્ણાંતોની સલાહ લેવી જરૂરી છે.)

આ પણ વાંચો: Stock Market: Buy, Hold કે Sell…? આ બેન્કના શેરને લઈને રોકાણકારોએ હવે આગળ શું કરવું? તાજેતરના પરિણામો બાદ દલાલ સ્ટ્રીટમાં હલચલ

આણંદ જિલ્લાના બોરસદ-પામોલ રોડ પર એક હૃદયદ્રાવક માર્ગ અકસ્માત સર્જાયો છે. જ્યાં સામસામેથી આવતા બે મોટરસાયકલ વચ્ચે જોરદાર ટક્કર થઈ હતી. આ ટક્કરમાં એક 14 વર્ષીય માસૂમ વિદ્યાર્થીનું ઘટના સ્થળે જ કરૂણ મોત નીપજ્યું છે. આ અકસ્માત એટલો ભયાનક હતો કે, અન્ય એક બાઇક સવારને પણ ગંભીર ઇજાઓ પહોંચી છે. શાળાએથી છૂટીને હસતા મુખે ઘરે પરત ફરી રહેલા કિશોરના અકાળે અવસાનથી સમગ્ર પંથકમાં ભારે અરેરાટી અને શોકનો માહોલ વ્યાપી ગયો છે.

શાળાએથી છૂટીને ઘરે પરત ફરતા સમયે કાળ આંબી ગયો 

ઘટનાની મળતી વિગતો અનુસાર, આ અકસ્માતની ઘટના પામોલ રોડ પર આવેલા ઝાખલાના કુવા વિસ્તાર નજીક બની હતી. ઝાખલાના કુવા વિસ્તારમાં જ રહેતો 14 વર્ષીય કિશોર પામોલની સ્કૂલમાં અભ્યાસ કરતો હતો. તે શાળા છૂટ્યા બાદ બાઇક લઈને પોતાના ઘરે પરત ફરી રહ્યો હતો. આ દરમિયાન ઝાખલાના કુવા પાસે સામેથી આવી રહેલી અન્ય એક બાઇક સાથે તેની બાઇકની જોરદાર ટક્કર થઈ હતી. સામસામે થયેલી આ ભીષણ ટક્કરમાં માસૂમ વિદ્યાર્થીને માથા તેમજ શરીરના ભાગે ગંભીર ઇજાઓ પહોંચતા તેનું ઘટના સ્થળે જ મોત થઈ ગયું હતું.

અન્ય બાઇક સવાર ગંભીર, કરમસદ હોસ્પિટલ ખસેડાયો

આ અકસ્માતમાં સામેની બાઇક પર સવાર વ્યક્તિને પણ શરીરે ગંભીર ઇજાઓ પહોંચી હતી. અકસ્માત પગલે આસપાસના સ્થાનિક લોકો તાત્કાલિક ઘટના સ્થળે દોડી આવ્યા હતા અને ઇજાગ્રસ્ત બાઇક સવારને તાત્કાલિક સારવાર અર્થે કરમસદની શ્રી કૃષ્ણ હોસ્પિટલમાં ખસેડ્યો હતો, જ્યાં તેની હાલત નાજુક હોવાનું કહેવાય રહ્યું છે.

પોલીસે હાથ ધરી તપાસ

અકસ્માતની જાણ થતાં જ મૃતક વિદ્યાર્થીના પરિવારજનો ઘટના સ્થળે દોડી આવ્યા હતા. એકના એક વહાલસોયા દીકરાના લોહીલુહાણ મૃતદેહને જોઈને પરિવારજનોએ ભારે આક્રંદ કર્યું હતું, જેના દ્રશ્યો જોઈ ત્યાં હાજર લોકોની આંખો પણ ભીની થઈ ગઈ હતી. સ્થાનિક પોલીસે આ મામલે ગુનો નોંધીને આગળની કાયદેસરની કાર્યવાહી હાથ ધરી છે.

આ પણ વાંચો – Anand મનપાના આરોગ્ય વિભાગની ચેકિંગ ડ્રાઇવ, ફટકાર્યો રૂ. 43 હજારનો દંડ!

શ્રીલંકામાં ત્રિકોણીય વન-ડે શ્રેણીની ઈન્ડિયા A ની બીજી મેચમાં 15 વર્ષના વૈભવ સૂર્યવંશીએ અફઘાનિસ્તાન A સામે પોતાની ઈનિંગની શરૂઆત શ્રીલંકા A સામેની પહેલી મેચની જેમ જ ચોગ્ગા સાથે કરી હતી.

અફઘાનિસ્તાન A સામે ટોસ બાદ બેટિંગ કરવા ઉતરેલી ઈન્ડિયા A ની ટીમને ઓપનરો પ્રભસિમરન સિંહ અને વૈભવ સૂર્યવંશીએ શાનદાર શરૂઆત અપાવી હતી. પ્રથમ ઓવરમાં જ વૈભવે આક્રમક બેટિંગ કરી.

અફઘાનિસ્તાન તરફથી મોહમ્મદ ઈબ્રાહિમે પ્રથમ ઓવર ફેંકી હતી. પ્રભસિમરને પહેલા બોલ પર સિંગલ લઈને વૈભવને સ્ટ્રાઈક આપી હતી. ત્યારબાદ વૈભવે મેચના બીજા અને ત્રીજા બોલ પર સતત બે ચોગ્ગા ફટકાર્યા.

આ મેચમાં વૈભવે પોતાના પહેલા બે બોલ પર બે બેક ટુ બેક બાઉન્ડ્રી ફટકારી બાઉન્ડ્રી સાથે આક્રમક શરૂઆતની તેની પ્રથા આગળ વધારી હતી. પ્રથમ ઓવરમાં વૈભવ ત્રણ બોલ રમ્યો અને બે ચોગ્ગાની મદદથી 9 રન બનાવ્યા. આગળ પણ તેણે પોતાના આક્રમક અંદાજને યથાવત રાખ્યો અને નિયમિત અંતરે બાઉન્ડ્રી ફટકારતો રહ્યો.

વૈભવ અને પ્રભસિમરન વચ્ચે પ્રથમ વિકેટ માટે 74 રનની ભાગીદારી નોંધાઈ હતી. વૈભવની ઈનિંગ 22 બોલમાં 44 રન પર સમાપ્ત થઈ હતી. તેણે 200ના સ્ટ્રાઈક રેટથી બેટિંગ કરતાં 9 ચોગ્ગા ફટકાર્યા હતા. તે માત્ર 6 રન માટે અડધી સદી ચૂકી ગયો હતો. (PC: X/BCCI/Sri Lanka Cricket)

Breaking News: સ્વતંત્રતા દિવસે ટીમ ઈન્ડિયા મેદાનમાં ઉતરશે! શ્રીલંકા પ્રવાસના શેડ્યૂલ અંગે મોટી અપડેટ