સમાચાર

સુરત શહેરમાં ઓટોરિક્ષામાં મુસાફરી કરતા નાગરિકો સાથે થતી ચીટીંગ, ચોરી અને ગુનાખોરીની ઘટનાઓ પર લગામ લગાવવા માટે લસકાણા પોલીસે એક પ્રશંસનીય અને નવતર પ્રયોગ હાથ ધર્યો છે. લસકાણા પોલીસ સ્ટેશનની હદમાં આવતા તમામ રિક્ષા ચાલકોને એકઠા કરીને એક વિશેષ ઝુંબેશ ચલાવવામાં આવી હતી. આ મુહિમ અંતર્ગત વિસ્તારમાં દોડતી તમામ ઓટોરિક્ષાઓની સઘન ચકાસણી કરવામાં આવી હતી અને કાયદેસરની રિક્ષાઓનો એક મજબૂત ડેટાબેઝ તૈયાર કરવામાં આવ્યો હતો, જેથી શંકાસ્પદ વાહનોને અલગ તારવી શકાય.

સુરક્ષા માટે પોલીસનું અધિકૃત સ્ટીકર અને ડેટાબેઝ

આ નવતર પ્રયોગના ભાગરૂપે લસકાણા પોલીસ દ્વારા તમામ ચકાસાયેલી રિક્ષાઓ પર એક ખાસ અધિકૃત સ્ટીકર લગાવવામાં આવ્યું છે. આ સ્ટીકર જે-તે રિક્ષા ચાલકની સંપૂર્ણ ઓળખ અને પોલીસ વેરિફિકેશન થઈ ગયું હોવાની સાબિતી છે. પોલીસ દ્વારા તૈયાર કરાયેલા ડેટાબેઝમાં રિક્ષા ચાલકનું નામ, સરનામું, મોબાઈલ નંબર અને વાહનના કાગળોની વિગતો નોંધવામાં આવી છે. આ ડિજિટલ અને ફિઝિકલ રેકોર્ડના કારણે હવે કોઈ પણ ગુનાહિત પ્રવૃત્તિ આચરીને રિક્ષા ચાલક સરળતાથી ભાગી શકશે નહીં.

નાગરિકોની સુરક્ષા અને અસામાજિક તત્વો પર અંકુશ

લસકાણા પોલીસના આ અભિયાન પાછળનો મુખ્ય હેતુ સુરતની જનતા, ખાસ કરીને મહિલાઓ અને રાત્રિના સમયે મુસાફરી કરતા નાગરિકોની સુરક્ષામાં વધારો કરવાનો છે. અવારનવાર ઓટોરિક્ષામાં પેસેન્જરના સ્વાંગમાં બેસીને લૂંટ ચલાવતી ગેંગ સક્રિય થતી હોય છે, ત્યારે આ સ્ટીકરવાળી રિક્ષાઓમાં બેસવાથી મુસાફરો સુરક્ષિત અનુભવશે. આ સાથે જ રિક્ષાના વ્યવસાયની આડમાં ગુનાખોરી આચરતા અસામાજિક તત્વો પર સીધો અંકુશ મેળવી શકાશે અને લસકાણા વિસ્તારમાં કાયદો અને વ્યવસ્થા વધુ સુદ્રઢ બનશે.

ગુજરાતના વધુ સમાચાર વાંચવા માટે ક્લિક કરો

ન્યૂઝીલેન્ડના દિગ્ગજ બેટ્સમેન કેન વિલિયમસને આંતરરાષ્ટ્રીય ક્રિકેટમાંથી નિવૃત્તિની જાહેરાત કરી હતી. 35 વર્ષીય વિલિયમસને અચાનક નિવૃત્તિની જાહેરાત કરી બધાને ચોંકાવી દીધા હતા. આ સાથે જ તેની 16 વર્ષની લાંબી અને શાનદાર આંતરરાષ્ટ્રીય કારકિર્દીનો અંત આવ્યો છે.

કેન વિલિયમસને ઈંગ્લેન્ડ સામેની ત્રણ મેચની ટેસ્ટ શ્રેણી દરમિયાન આ નિર્ણય લીધો હતો. આ શ્રેણીની પહેલી મેચમાં કિવી ટીમને હાર મળી હતી. જે બાદ અચાનક વિલિયમસને નિવૃત્તિની જાહેરાત કરતા હવે તે આ શ્રેણીમાં નહીં રમે.

નિવૃત્તિની જાહેરાત કરતા વિલિયમસને કહ્યું, “હું ઘણા સમયથી વિચારી રહ્યો હતો, પરંતુ છેલ્લા કેટલાક દિવસોમાં, તે સ્પષ્ટ થઈ ગયું છે કે આ નિવૃત્તિ લેવાનો યોગ્ય સમય છે. મને ગર્વ છે કે મેં ન્યૂઝીલેન્ડ માટે રમેલી દરેક મેચમાં સર્વસ્વ આપ્યું છે. હું ભાગ્યશાળી છું કે હું મારી શરતો પર રમત છોડી રહ્યો છું.”

2010 માં આંતરરાષ્ટ્રીય ક્રિકેટમાં ડેબ્યૂ કરનાર કેન વિલિયમસને ન્યૂઝીલેન્ડના ક્રિકેટ ઈતિહાસના સૌથી સફળ બેટ્સમેન તરીકે વિદાય લીધી હતી. તેણે ન્યૂઝીલેન્ડ માટે 378 મેચ રમી અને ઘણા મહત્વપૂર્ણ રેકોર્ડ બનાવ્યા હતા.

કેન વિલિયમસને ત્રણેય ફોર્મેટમાં ન્યૂઝીલેન્ડ માટે સૌથી વધુ 19,346 રન બનાવ્યા, જેમાં 48 સદી અને 103 અડધી સદીનો સમાવેશ થાય છે. તે 9,515 રન અને 33 સદી સાથે ન્યૂઝીલેન્ડનો સૌથી સફળ ટેસ્ટ બેટ્સમેન પણ છે.

કેન વિલિયમસને 2016 થી 2024 સુધી કિવી ટીમનું નેતૃત્વ કર્યું હતું. તેની કેપ્ટનશીપ હેઠળ ન્યૂઝીલેન્ડે ભારતને હરાવીને 2021 માં સૌપ્રથમ ICC વર્લ્ડ ટેસ્ટ ચેમ્પિયનશિપ (WTC) જીતી હતી.

કેન વિલિયમસનની કપ્તાનીમાં ન્યૂઝીલેન્ડ 2019 ODI વર્લ્ડ કપ અને 2021 T20 વર્લ્ડ કપની ફાઈનલમાં પહોંચ્યું હતું. જોકે બંને વાર ન્યૂઝીલેન્ડ ફાઈનલમાં હાર્યું હતું અને રનર અપથી સંતોષ માનવો પડ્યો હતો.

કેન વિલિયમસનને 2019 ODI વર્લ્ડ કપમાં પ્લેયર ઓફ ધ ટુર્નામેન્ટ તરીકે પસંદ કરવામાં આવ્યો હતો. કેન વિલિયમસને 2019 માં ICC ટેસ્ટ પ્લેયર ઓફ ધ યરનો એવોર્ડ પણ જીત્યો હતો. (PC:PTI/X/ICC)

Breaking News: ટીમ ઈન્ડિયાનો આયર્લેન્ડ પ્રવાસ થશે રદ ? બેલફાસ્ટમાં રમખાણોએ BCCIની વધારી ચિંતા

પશ્ચિમ બંગાળમાં મમતા બેનર્જીની પાર્ટી તૃણમૂલ કોંગ્રેસ તૂટીને વિખેરાઈ ગઈ છે. 28 વર્ષ જૂની ટીએમસી (TMC) પાર્ટી 28 દિવસ પણ પોતાની હાર પચાવી શકી નથી. તૃણમૂલ કોંગ્રેસના ધારાસભ્યો, સાંસદો અને કાઉન્સિલરો બધા ભાગી રહ્યા છે.

કોલકાતાથી લઈને દિલ્હી સુધી મમતા વિરુદ્ધ બગાવત થઈ રહી છે. નાના-મોટા તમામ નેતાઓમાં પાર્ટી છોડવા માટે હોડ મચી છે. આ દરમિયાન મમતા બેનર્જી પર વધુ એક મુસીબત આવી ગઈ છે. કોલકાતામાં મમતા બેનર્જી વિરુદ્ધ પોલીસે એફઆઈઆર (FIR) નોંધી લીધી છે.

શું છે સમગ્ર મામલો?

હકીકતમાં, માર્ચ 2026માં એક રાજકીય ભાષણ દરમિયાન મમતાએ ચેતવણી આપી હતી કે, જો કોઈ ખાસ સમુદાય એક થઈ જાય, તો તેના બીજા લોકો માટે ગંભીર પરિણામો આવી શકે છે. મમતાના જાહેર ભાષણનો હવાલો આપીને એક વેપારીએ હેર સ્ટ્રીટ પોલીસ સ્ટેશનમાં ફરિયાદ નોંધાવી હતી, જેને હવે કોલકાતા પોલીસે એફઆઈઆર (FIR) તરીકે નોંધી લીધી છે.

અભિષેક બેનર્જીની પૂછપરછ

બીજી તરફ મમતાના ભત્રીજા અને સાંસદ અભિષેક બેનર્જી વિરુદ્ધ પણ પોલીસે પહેલાથી જ એફઆઈઆર (FIR) નોંધી રાખેલી છે. ગુરુવારે સીઆઈડી (CID) એ અભિષેક બેનર્જીની પૂછપરછ કરી છે. નકલી સહીના મામલામાં ગુરુવારે મમતા બેનર્જીના ભત્રીજા અભિષેક બેનર્જી બંગાળ CID સમક્ષ હાજર થયા હતા. અભિષેક હાઈકોર્ટના આદેશ બાદ CID સમક્ષ હાજર થયા હતા.

સાડા પાંચ કલાક સુધી ચાલેલી પૂછપરછ દરમિયાન સીઆઈડીના અધિકારીઓએ અભિષેક પાસેથી તેમની ડાયરી વિશે પણ માહિતી મેળવી હતી. સૂત્રોનું માનીએ તો, સીઆઈડીએ અભિષેકને એ ડાયરી લઈને આવવા કહ્યું હતું, જેમાં ધારાસભ્યોની સહી હોવાનો દાવો કરવામાં આવી રહ્યો હતો. હવે સીઆઈડીએ અભિષેકને 14 જૂનના રોજ ફરીથી પૂછપરછ માટે બોલાવ્યા છે. સીઆઈડીની ઓફિસથી નીકળીને અભિષેક સીધા મમતાના ઘરે પહોંચ્યા હતા.

પોલીસે જહાંગીર ખાનનું સરઘસ કાઢ્યું

આ ઉપરાંત પોલીસે ફલતામાં ટીએમસી નેતા જહાંગીર ખાનનું સરઘસ (પરેડ) કાઢ્યું છે. જહાંગીર ખાનને હાફ પેન્ટમાં ફલતાના એ રસ્તાઓ અને ગલીઓમાં ફેરવવામાં આવ્યો, જ્યાં ક્યારેક જહાંગીર ખાનનો હુકમ ચાલતો હતો. જણાવી દઈએ કે, જહાંગીર ખાન પર જબરન વસૂલાત (તોડબાજી), ગેરકાયદેસર કબજો અને લોકોને ધમકાવવાના આરોપો છે.

Breaking News : સરકારનો મોટો નિર્ણય ! પેટ્રોલ પંપ પરથી હવે આ ગ્રાહકોને નહીં મળે Petrol-Diesel, જાણો શું છે કારણ

ભારત હેવી ઇલેક્ટ્રિકલ્સ લિમિટેડ (BHEL) ને દામોદર વેલી કોર્પોરેશન (DVC), કોલકાતાથી 1×800 મેગાવોટ દુર્ગાપુર સુપરક્રિટિકલ થર્મલ પાવર સ્ટેશન પ્રોજેક્ટ માટે લિમિટેડ નોટિસ ટુ પ્રોસીડ (LNTP) પ્રાપ્ત થઈ છે. આ મંજૂરી હેઠળ કંપની પ્રોજેક્ટ માટે જરૂરી એડવાન્સ એન્જિનિયરિંગ કામગીરી શરૂ કરશે તેમજ મહત્વપૂર્ણ અને લાંબા સમયગાળાના સાધનોની ખરીદી પ્રક્રિયા આગળ વધારશે.

કંપની અગાઉથી જ આ પ્રોજેક્ટના મેઇન પ્લાન્ટ પેકેજ (બોઇલર, ટર્બાઇન અને જનરેટર) માટે સફળ બોલીદાતા તરીકે પસંદ થઈ ચૂકી છે. LNTP જારી થયાની તારીખથી આગામી 10 મહિનામાં પ્રાથમિક કામગીરી પૂર્ણ થયા બાદ DVC દ્વારા મુખ્ય સપ્લાય અને એક્ઝિક્યુશન ઓર્ડર BHELને આપવામાં આવવાની શક્યતા છે. આ LNTP કરારનું મૂલ્ય GST સિવાય રૂ. 90 કરોડથી વધુ હોવાનું જણાવાયું છે, જે BHEL માટે મહત્વપૂર્ણ વ્યવસાયિક સિદ્ધિ માનવામાં આવી રહી છે.

ભારત હેવી ઇલેક્ટ્રિકલ્સ લિમિટેડ (BHEL) ના શેર હાલમાં રોકાણકારોના ધ્યાનનું કેન્દ્ર બન્યા છે. કંપનીનું માર્કેટ કેપ રૂ. 1.31 લાખ કરોડથી વધુ છે, જ્યારે શેરનો વર્તમાન ભાવ રૂ. 377 આસપાસ ટ્રેડ થઈ રહ્યો છે. તાજેતરમાં કંપનીને મળેલા નવા પ્રોજેક્ટ્સ અને ઓર્ડર્સને કારણે બજારમાં BHEL અંગે સકારાત્મક માહોલ જોવા મળી રહ્યો છે. જોકે, શેરનો P/E રેશિયો 82 હોવાનું દર્શાવે છે કે રોકાણકારો કંપનીના ભવિષ્યના વિકાસ પર મોટો વિશ્વાસ વ્યક્ત કરી રહ્યા છે.

કંપનીના નાણાકીય આંકડાઓ પર નજર કરીએ તો BHEL ની બુક વેલ્યુ રૂ. 75.1 છે, જ્યારે ROCE 8.51% અને ROE 6.29% નોંધાયું છે. કંપની પાસે રૂ. 25,450 કરોડથી વધુ રિઝર્વ છે, જે તેની નાણાકીય મજબૂતાઈ દર્શાવે છે. બીજી તરફ, કંપની પર રૂ. 8,187 કરોડનું દેવું પણ છે, જેને રોકાણકારોએ ધ્યાનમાં લેવું જરૂરી છે. છેલ્લા એક વર્ષ દરમિયાન શેરહોલ્ડર્સની સંખ્યામાં વધારો થયો છે, જે કંપની પ્રત્યે વધતા વિશ્વાસનો સંકેત માનવામાં આવે છે.

વિશ્લેષકોના મતે, સરકારના ઇન્ફ્રાસ્ટ્રક્ચર અને પાવર સેક્ટર પર વધતા ખર્ચનો લાભ BHEL ને આગામી સમયમાં મળી શકે છે. જો કંપની સતત નવા ઓર્ડર્સ મેળવતી રહેશે અને તેની આવક તથા નફામાં સુધારો થશે, તો શેરમાં લાંબા ગાળે વધુ વૃદ્ધિ જોવા મળી શકે છે. જોકે, કોઈપણ રોકાણ કરતા પહેલાં કંપનીના મૂલ્યાંકન, જોખમો અને બજારની સ્થિતિનું યોગ્ય વિશ્લેષણ કરવું જરૂરી છે. ( નોંધ : અહીં અપવાંઆ આવેલી માહિતી ફક્ત અપનીં જાણકારી માટે છે. કોઈ પણ રોકાણ કરવા પહેલા નિષ્ણાંતોની સલાહ લેવી જરૂરી છે.)

આ પણ વાંચો: Stock Market: Buy, Hold કે Sell…? આ બેન્કના શેરને લઈને રોકાણકારોએ હવે આગળ શું કરવું? તાજેતરના પરિણામો બાદ દલાલ સ્ટ્રીટમાં હલચલ

આણંદ જિલ્લાના બોરસદ-પામોલ રોડ પર એક હૃદયદ્રાવક માર્ગ અકસ્માત સર્જાયો છે. જ્યાં સામસામેથી આવતા બે મોટરસાયકલ વચ્ચે જોરદાર ટક્કર થઈ હતી. આ ટક્કરમાં એક 14 વર્ષીય માસૂમ વિદ્યાર્થીનું ઘટના સ્થળે જ કરૂણ મોત નીપજ્યું છે. આ અકસ્માત એટલો ભયાનક હતો કે, અન્ય એક બાઇક સવારને પણ ગંભીર ઇજાઓ પહોંચી છે. શાળાએથી છૂટીને હસતા મુખે ઘરે પરત ફરી રહેલા કિશોરના અકાળે અવસાનથી સમગ્ર પંથકમાં ભારે અરેરાટી અને શોકનો માહોલ વ્યાપી ગયો છે.

શાળાએથી છૂટીને ઘરે પરત ફરતા સમયે કાળ આંબી ગયો 

ઘટનાની મળતી વિગતો અનુસાર, આ અકસ્માતની ઘટના પામોલ રોડ પર આવેલા ઝાખલાના કુવા વિસ્તાર નજીક બની હતી. ઝાખલાના કુવા વિસ્તારમાં જ રહેતો 14 વર્ષીય કિશોર પામોલની સ્કૂલમાં અભ્યાસ કરતો હતો. તે શાળા છૂટ્યા બાદ બાઇક લઈને પોતાના ઘરે પરત ફરી રહ્યો હતો. આ દરમિયાન ઝાખલાના કુવા પાસે સામેથી આવી રહેલી અન્ય એક બાઇક સાથે તેની બાઇકની જોરદાર ટક્કર થઈ હતી. સામસામે થયેલી આ ભીષણ ટક્કરમાં માસૂમ વિદ્યાર્થીને માથા તેમજ શરીરના ભાગે ગંભીર ઇજાઓ પહોંચતા તેનું ઘટના સ્થળે જ મોત થઈ ગયું હતું.

અન્ય બાઇક સવાર ગંભીર, કરમસદ હોસ્પિટલ ખસેડાયો

આ અકસ્માતમાં સામેની બાઇક પર સવાર વ્યક્તિને પણ શરીરે ગંભીર ઇજાઓ પહોંચી હતી. અકસ્માત પગલે આસપાસના સ્થાનિક લોકો તાત્કાલિક ઘટના સ્થળે દોડી આવ્યા હતા અને ઇજાગ્રસ્ત બાઇક સવારને તાત્કાલિક સારવાર અર્થે કરમસદની શ્રી કૃષ્ણ હોસ્પિટલમાં ખસેડ્યો હતો, જ્યાં તેની હાલત નાજુક હોવાનું કહેવાય રહ્યું છે.

પોલીસે હાથ ધરી તપાસ

અકસ્માતની જાણ થતાં જ મૃતક વિદ્યાર્થીના પરિવારજનો ઘટના સ્થળે દોડી આવ્યા હતા. એકના એક વહાલસોયા દીકરાના લોહીલુહાણ મૃતદેહને જોઈને પરિવારજનોએ ભારે આક્રંદ કર્યું હતું, જેના દ્રશ્યો જોઈ ત્યાં હાજર લોકોની આંખો પણ ભીની થઈ ગઈ હતી. સ્થાનિક પોલીસે આ મામલે ગુનો નોંધીને આગળની કાયદેસરની કાર્યવાહી હાથ ધરી છે.

આ પણ વાંચો – Anand મનપાના આરોગ્ય વિભાગની ચેકિંગ ડ્રાઇવ, ફટકાર્યો રૂ. 43 હજારનો દંડ!

શ્રીલંકામાં ત્રિકોણીય વન-ડે શ્રેણીની ઈન્ડિયા A ની બીજી મેચમાં 15 વર્ષના વૈભવ સૂર્યવંશીએ અફઘાનિસ્તાન A સામે પોતાની ઈનિંગની શરૂઆત શ્રીલંકા A સામેની પહેલી મેચની જેમ જ ચોગ્ગા સાથે કરી હતી.

અફઘાનિસ્તાન A સામે ટોસ બાદ બેટિંગ કરવા ઉતરેલી ઈન્ડિયા A ની ટીમને ઓપનરો પ્રભસિમરન સિંહ અને વૈભવ સૂર્યવંશીએ શાનદાર શરૂઆત અપાવી હતી. પ્રથમ ઓવરમાં જ વૈભવે આક્રમક બેટિંગ કરી.

અફઘાનિસ્તાન તરફથી મોહમ્મદ ઈબ્રાહિમે પ્રથમ ઓવર ફેંકી હતી. પ્રભસિમરને પહેલા બોલ પર સિંગલ લઈને વૈભવને સ્ટ્રાઈક આપી હતી. ત્યારબાદ વૈભવે મેચના બીજા અને ત્રીજા બોલ પર સતત બે ચોગ્ગા ફટકાર્યા.

આ મેચમાં વૈભવે પોતાના પહેલા બે બોલ પર બે બેક ટુ બેક બાઉન્ડ્રી ફટકારી બાઉન્ડ્રી સાથે આક્રમક શરૂઆતની તેની પ્રથા આગળ વધારી હતી. પ્રથમ ઓવરમાં વૈભવ ત્રણ બોલ રમ્યો અને બે ચોગ્ગાની મદદથી 9 રન બનાવ્યા. આગળ પણ તેણે પોતાના આક્રમક અંદાજને યથાવત રાખ્યો અને નિયમિત અંતરે બાઉન્ડ્રી ફટકારતો રહ્યો.

વૈભવ અને પ્રભસિમરન વચ્ચે પ્રથમ વિકેટ માટે 74 રનની ભાગીદારી નોંધાઈ હતી. વૈભવની ઈનિંગ 22 બોલમાં 44 રન પર સમાપ્ત થઈ હતી. તેણે 200ના સ્ટ્રાઈક રેટથી બેટિંગ કરતાં 9 ચોગ્ગા ફટકાર્યા હતા. તે માત્ર 6 રન માટે અડધી સદી ચૂકી ગયો હતો. (PC: X/BCCI/Sri Lanka Cricket)

Breaking News: સ્વતંત્રતા દિવસે ટીમ ઈન્ડિયા મેદાનમાં ઉતરશે! શ્રીલંકા પ્રવાસના શેડ્યૂલ અંગે મોટી અપડેટ

ભરૂચ જિલ્લામાં પ્રતિબંધિત વાઇલ્ડ લાઇફ સામગ્રીની તસ્કરી કરતા નેટવર્કનો પર્દાફાશ થયો છે. અંકલેશ્વર વન વિભાગ અને મુંબઈ વાઇલ્ડ લાઇફની ટીમે એક સંયુક્ત ઓપરેશન હાથ ધર્યું હતું. જેમાં નેશનલ હાઈવે-48 પર આવેલા નર્મદા ગેટ નજીકથી લાખોની કિંમતની વ્હેલ માછલીની ઉલ્ટી (Whale Vomit – એમ્બરગ્રીસ) સાથે ત્રણ આરોપીઓની ધરપકડ કરી લેવામાં આવી છે. આંતરરાષ્ટ્રીય બજારમાં અત્યંત કિંમતી ગણાતી આ વ્હેલ માછલીની ઉલ્ટી વેચાય તે પહેલા જ વન વિભાગ દ્વારા તરાપ મારીને આખું રેકેટનો પર્દાફાશ કરી દેવામાં આવ્યો છે.

મુંબઈ વાઇલ્ડ લાઇફની ટીમે વેપારી બનીને ગોઠવી જાળ

ઘટનાની મળતી માહિતી અનુસાર, મુંબઈ વાઇલ્ડ લાઇફ ટીમને આ તસ્કરી ખાનગી રાહે બાતમી મળી હતી. જેના આધારે ટીમના સભ્યો દ્વારા પોતે કિંમતી એમ્બરગ્રીસના ખરીદદાર (વેપારી) હોવાનો ઢોંગ કરવામાં આવ્યો હતો અને તસ્કરો સાથે સોદો નક્કી કરીને તેમને ભરૂચ બોલાવ્યા હતા. આરોપીઓ આ જથ્થો વેચવા માટે NH-48 પર નર્મદા ગેટ પાસે પહોંચ્યા કે તરત જ અંકલેશ્વર વન વિભાગ અને મુંબઈ વાઇલ્ડ લાઇફની ટીમ દ્વારા સંયુક્ત રેડ કરીને ત્રણેયને રંગેહાથ દબોચી લેવામાં આવ્યા હતા.

ભાવનગરથી લવાયો હતો જથ્થો, કુલ 66.70 લાખનો મુદ્દામાલ જપ્ત

વન વિભાગની પ્રાથમિક પૂછપરછમાં સામે આવ્યું છે કે, આરોપીઓ આ વ્હેલ માછલીની ઉલ્ટીનો જથ્થો ભાવનગરથી લાવ્યા હતા. પકડાયેલા ત્રણ આરોપીઓ આણંદ અને અંકલેશ્વર પંથકના હોવાનું જાણવા મળ્યું છે. વન વિભાગે ઘટના સ્થળેથી આશરે રૂપિયા 65 લાખની કિંમતની વ્હેલ વોમેટ કબ્જે કરી છે. આ ઉપરાંત ગુનામાં વપરાયેલી કાર, બાઇક અને રોકડ રકમ સહિત કુલ રૂપિયા 66.70 લાખથી વધુનો મુદ્દામાલ જપ્ત કરવામાં આવ્યો છે. વન વિભાગ દ્વારા વન્યજીવ સંરક્ષણ અધિનિયમ હેઠળ ગુનો નોંધવામાં આવ્યો છે. હાલ આ રેકેટના તાર ક્યાં સુધી જોડાયેલા છે, તે દિશામાં વધુ તપાસ કરવામાં આવી રહી છે.

આ પણ વાંચો – Bharuch: ભરૂચની જામા મસ્જિદમાંથી કોતરણીવાળી શીલા અને મૂર્તિઓ મળતાં વિવાદ વકર્યો, કૂવાની સફાઈ કરવા સંતોની ઉગ્ર માંગ

દેશની રાજનીતિ માટે સૌથી મોટા સમાચાર સામે આવી રહ્યા છે, જેમાં મમતા બેનર્જી તૃણમુલ કોંગ્રેસને વિલીન કરી કોંગ્રેસમાં વાપસી કરે તેવી શક્યતા છે. સૂત્રોના જણાવ્યા અનુસાર, મમતા બેનર્જી 28 વર્ષ બાદ કોંગ્રેસમાં પરત ફરે તેવી શક્યતા દેખાઈ રહી છે.

જણાવી દઈએ કે, મમતા બેનર્જી અને સોનિયા ગાંધી વચ્ચેની મુલાકાતમાં આ મુદ્દે ચર્ચા થઈ છે. સૂત્રોનું કહેવું છે કે, સોનિયા ગાંધીએ મમતા બેનર્જીને કોંગ્રેસના રાષ્ટ્રીય ઉપાધ્યક્ષ બનાવવાની ઓફર આપી છે.

બીજીબાજુ રાહુલ ગાંધીએ અભિષેક બેનર્જીને કોંગ્રેસના મહાસચિવ પદનો પ્રસ્તાવ આપ્યો છે. એવામાં હવે મોટો સવાલ એ ઊભો થાય છે કે, શું તૃણમુલ કોંગ્રેસને વિલીન કરી પોતાના જૂના પક્ષમાં પરત ફરશે મમતા બેનર્જી?

Breaking News : મીનાક્ષી નટરાજનના નોમિનેશન રદ થવા પર વકીલ અભિષેક મનુ સિંઘવીએ કહી આ વાત

નવરંગપુરા વિસ્તારમાં આવેલી પ્રતિષ્ઠિત સ્પોર્ટ્સ ક્લબને બોમ્બથી ઉડાવી દેવાની લેખિત ધમકી મળતાં સમગ્ર પરિસરમાં ભય અને ગભરાટનો માહોલ સર્જાયો હતો. ઘટનાની ગંભીરતાને ધ્યાનમાં રાખીને ઉચ્ચ પોલીસ અધિકારીઓનો કાફલો તાત્કાલિક સ્થળ પર પહોંચી ગયો હતો. આ ઘટનાની તપાસ ચાલુ છે ત્યાં જ આજે ફરીવાર અમદાવાદ અને ગાંધીનગરમાં બોમ્બથી ઉડાવી દેવાની ધમકી ભર્યા મેઈલ મળ્યા હતાં. સ્પોર્ટ્સ ક્લબની ઘટનામાં ધુરંધર મૂવી જોઈને બાળકે બોમ્બની ધમકી આપી હોવાનો ખુલાસો થયો છે. 

લોકરમાંથી એક અજાણી ચિઠ્ઠી મળી આવી

સ્પોર્ટ્સ ક્લબના કર્મચારીઓને ચેકિંગ દરમિયાન રૂમ નંબર 119માં આવેલા એક લોકરમાંથી એક અજાણી ચિઠ્ઠી મળી આવી હતી.આ ચિઠ્ઠીને ખોલીને વાંચતા જ સ્ટાફના હોશ ઉડી ગયા હતા.કારણ કે તેમાં ક્લબને બોમ્બથી ઉડાવી દેવાનો સ્પષ્ટ ઉલ્લેખ કરવામાં આવ્યો હતો.ક્લબના સંચાલકોએ મોડું કર્યા વિના આ અંગે તાત્કાલિક કંટ્રોલ રૂમ દ્વારા પોલીસને જાણ કરી હતી.પોલીસ દ્વારા ક્લબના ખૂણે ખૂણાની ઝીણવટભરી તપાસ કરવામાં આવી હતી. તેમજ લોકર સુધી આ ચિઠ્ઠી કોણે પહોંચાડી તે જાણવા માટે ત્યાંના સીસીટીવી ફૂટેજ ચકાસ્યા હતાં. 

પેન્સિલથી બોમ્બ થ્રેટનો મેસેજ લખ્યો

આ ઘટનામાં હવે મોટો ખુલાસો સામે આવ્યો છે. તાજેતરમાં જ રીલિઝ થયેલી ધુરંધર ફિલ્મ પરથી પ્રેરણા લઈને સુરતના એક વેપારીના 12 વર્ષના પુત્રએ મજાક કરવા આ ચિઠ્ઠી લખી હતી. તેણે ધુરંધર મૂવી જોયા બાદ પેન્સિલથી બોમ્બ થ્રેટનો મેસેજ લખ્યો હતો. સ્પોર્ટ્સ ક્લબની જે રૂમમાંથી ચિઠ્ઠી મળી તે રૂમમાં 3 વિદેશી વેપારીઓ રોકાયા હતા. ચિઠ્ઠીમાં લશ્કર એ તોયબા તેમજ દાઉદનો ઉલ્લેખ કરાયો હતો. આ બાળકે પત્ર લખીને લોકરમાં મુક્યો હતો અને આખરે લોકરમાં જ રહી ગયો હતો. હાઉસકિપિંગ સ્ટાફે જ્યારે રૂમની અંદર કામગીરી કરી ત્યારે આ લેટર મળી આવ્યો હતો.  

આ પણ વાંચોઃ Delhi : હવે અમદાવાદ મેટ્રો એરપોર્ટ સુધી પહોંચશે, કેન્દ્રિય કેબિનેટે આપી મંજૂરી

મોરબીના હળવદમાંથી નગરપાલિકાના સભ્યની દાદાગીરીનો એક ચોંકાવનારો કિસ્સો સામે આવ્યો છે. હળવદ નગરપાલિકાના સેનીટેશન ચેરમેન અને ભાજપના નેતા ભરતભાઈ કરોતરા દ્વારા પાણી પુરવઠા વિભાગના એક કર્મચારી પર હુમલો કરવામાં આવ્યો હોવાની ઘટના પ્રકાશમાં આવી છે. જે કારણે હળવદ શહેરમાં ચકચાર મચી ગઈ છે.

જાહેરમાં બિભત્સ ગાળો આપી

ઘટનાની મળતી માહિતી અનુસાર, પાણીના ટેન્કર મોકલવા બાબતે હળવદ નગરપાલિકાના સભ્ય ભરતભાઈ કરોતરા અને પાણી પુરવઠાના કર્મચારી તુષારભાઈ ગઢવી વચ્ચે બોલાચાલી થઈ હતી. આ સામાન્ય બાબતમાં ઉશ્કેરાઈ જઈને પાલિકા સભ્ય ભરતભાઈએ કર્મચારી તુષારભાઈને જાહેરમાં બિભત્સ ગાળો આપી હતી.

જાનથી મારી નાખવાની ધમકી આપી

વાત આટલેથી ન અટકતા, ભાજપના નેતાએ સત્તાના નશામાં ભાન ભૂલીને કર્મચારી તુષારભાઈ ગઢવી સાથે મારામારી કરી હતી, અને તેમના પર હુમલો કર્યો હતો. એટલું જ નહીં, આરોપી સભ્યએ કર્મચારીને જાનથી મારી નાખવાની ધમકી પણ આપી હોવાનું સામે આવ્યું છે.

ભરત કરોતરા વિરૂદ્ધ કાયદેસરની ફરિયાદ નોંધાઈ

આ ઘટના બાદ ભયભીત અને આક્રોશિત થયેલા પાણી પુરવઠાના કર્મચારી તુષારભાઈ ગઢવી તાત્કાલિક હળવદ પોલીસ સ્ટેશને પહોંચ્યા હતા અને પાલિકા સભ્ય ભરત કરોતરા વિરૂદ્ધ કાયદેસરની ફરિયાદ નોંધાવવાની તજવીજ હાથ ધરી છે. સરકારી કર્મચારીઓ પર શાસક પક્ષ ભાજપના નેતાઓ દ્વારા થઈ રહેલા આવા હુમલાઓને પગલે સ્થાનિક કર્મચારીઓમાં ભારે રોષ જોવા મળી રહ્યો છે.

આ પણ વાંચો – Morbi : હળવદમાં ભાજપનું ‘સાવરણા નાટક’: સાંસદ પાસે કરાવ્યું ફોટો સેશન, પછી એ જ જગ્યાએ સ્વીપર મશીન ફેરવતા વિવાદ