દસાડા તાલુકાના બજાણા ગામે આવેલ ઓડવાસમાં રહેતા 40 વર્ષીય લીલુભાઈ ઉર્ફે દીલીપભાઈ ગોરધનભાઈ બેલદાર ડ્રાઈવીંગ કરે છે. તેઓ એકલા હોઈ ગામના ઈબ્રાહીમભાઈ કાળુભાઈ કુરેશીના ઘરે રહે છે. આ વાત ઈબ્રાહીમભાઈના જમાઈ માલવણના મહમદભાઈ ઉર્ફે શેતાનને પસંદ ન હોઈ અગાઉ લીલુભાઈ સાથે બોલાચાલી કરી હતી. આ વાતનું મનદુઃખ રાખી તા. 26-4ના રોજ રાતના સમયે આવી અપશબ્દો કહી લોખંડના પાઈપ વડે માર માર્યો હતો. જેમાં લીલુભાઈને સારવાર માટે સુરેન્દ્રનગર લઈ જવાયા હતા. આ અંગે બજાણા પોલીસ મથકે ફરિયાદ નોંધાતા વધુ તપાસ પીએસઆઈ એ.કે.વાઘેલા ચલાવી રહ્યા છે.
