N

IPL ઈતિહાસના સૌથી મોંઘા વિદેશી ખેલાડી કેમેરોન ગ્રીનને સતત ટીકાઓનો સામનો કરવો પડી રહ્યો છે. IPL 2026 માં કોલકાતા નાઈટ રાઈડર્સ સાથે ₹25.2 કરોડમાં જોડાયેલા ગ્રીનની શરૂઆત ખરાબ રહી, દરેક મેચમાં તે ખરાબ રીતે નિષ્ફળ ગયો. જોકે, છઠ્ઠી મેચમાં તેનું બેટ ચાલ્યું. ઓસ્ટ્રેલિયન બેટ્સમેને સિઝનની પોતાની પહેલી અડધી સદી ફટકારી, અને એક સિક્સર ફટકારી જે સ્ટેડિયમમાં પાર્ક કરેલી કારને વાગ્યો.

કેમેરોન ગ્રીને બતાવ્યું ફોર્મ

કોલકાતા નાઈટ રાઈડર્સનો ઓલરાઉન્ડર કેમેરોન ગ્રીન IPL 2026 ની પહેલી પાંચ ઈનિંગ્સમાં નિષ્ફળ ગયો હતો, તેના પર સતત સવાલો ઉઠી રહ્યા હતા. નિષ્ણાતોથી લઈને ચાહકો સુધી, બધાએ તેની ક્ષમતાઓ પર સવાલ ઉઠાવ્યા હતા. ટીમની સતત નિષ્ફળતાઓને કારણે ગ્રીન પણ ખાસ નિશાના પર હતો. જોકે, ગુજરાત ટાઈટન્સ સામે ગ્રીને શાનદાર બેટિંગ કરી સંકટ સમયે ટીમ માટે મહત્વપૂર્ણ ઈનિંગ રમી.

ગ્રીનનો સિક્સરથી કાર લક્ષ્ય બની ગઈ

ગ્રીને શરૂઆત ધીમી કરી હતી, પરંતુ એકવાર તેણે બાઉન્ડ્રી મારવાનું શરૂ કર્યું, તો તેણે ગુજરાતના દરેક બોલરને નિશાન બનાવ્યા. પરંતુ તેનો સૌથી ફેમસ શોટ સીધો કાર પર પડ્યો હતો. આ 13મી ઓવરમાં બન્યું, જ્યારે ગ્રીને અશોક શર્માની ઈનિંગનો ત્રીજો બોલ ડીપ સ્ક્વેર લેગ તરફ ફટકાર્યો. બોલ બાઉન્ડ્રી પાર કરીને સીધો પોડિયમ પર પાર્ક કરેલી સ્પોન્સર કાર પર પડ્યો.

Green’s impact shines through

Cameron Green is making a strong impact, stepping up at the right moment with a crucial knock for KKR#GTvsKKR #IPL2026 #CameronGreen pic.twitter.com/ka813IkRjz

— MK Sharma (@EmediaManoj) April 17, 2026

કંપની આ કામ પર પૈસા ખર્ચ કરશે

બોલ કારના સાઈડ મિરરની નીચે પડ્યો, જેનાથી મોટું નુકસાન થતા રહી ગયું. જોકે, તેનાથી એક ખાડો પડી ગયો, જેના વીડિયો અને ફોટા સોશિયલ મીડિયા પર વાયરલ થયા. ખાસ વાત એ છે કે ગ્રીનના આ શોટને કારણે ઘણા એવા બાળકોને ફાયદો થયો, જેઓ ક્રિકેટ રમવા માંગે છે પણ તેમને ક્રિકેટ કીટ અને કોચિંગ પોસાતું નથી. સ્પોન્સર ટાટા મોટર્સે એક ખાસ ઝુંબેશ શરૂ કરી છે, જેના હેઠળ જો બોલ કાર સાથે અથડાશે તો કંપની આવા બાળકો માટે ક્રિકેટ કિટ ખરીદવા માટે 5 લાખ રૂપિયાનું દાન કરશે.

કેમેરોન ગ્રીનની 79 રનની દમદાર ઈનિંગ

ગ્રીનની બેટિંગની વાત કરીએ તો, આ ઈનિંગ તેના માટે સારી સાબિત થઈ. એક સમયે, તે 28 બોલમાં ફક્ત 27 રન બનાવીને સંઘર્ષ કરી રહ્યો હતો, પરંતુ તેણે ઝડપથી ગિયર બદલ્યા. ગ્રીને 34 બોલમાં સિઝનની પોતાની પહેલી અડધી સદી પૂરી કરી અને ઈનિંગના છેલ્લા બોલ પર આઉટ થતાં પહેલાં 55 બોલમાં 79 રન બનાવ્યા. તેની ઈનિંગમાં 7 ચોગ્ગા અને 4 છગ્ગાનો સમાવેશ થતો હતો. આ ઈનિંગને કારણે કોલકાતા 180 રન સુધી પહોંચી શક્યું.

Breaking News: ચાલુ મેચમાં મેદાનમાં મોબાઈલ વાપરવાનું રાજસ્થાન રોયલ્સના મેનેજેરને પડ્યું ભારે, લાગ્યો આટલા લાખનો દંડ

ભાવનગર જિલ્લાના પાલીતાણા સ્થિત પવિત્ર શેત્રુંજય ગિરિરાજ પર યાત્રિકોની સુરક્ષા રામભરોસે હોય તેમ લાગી રહ્યું છે. ગિરિરાજ પર સતત બીજા દિવસે લૂંટની ઘટના બનતા સમગ્ર જૈન સમાજ અને પ્રવાસીઓમાં ભારે ફફડાટ વ્યાપી ગયો છે. અજાણ્યા શખ્સો દ્વારા યાત્રા દરમિયાન શ્રદ્ધાળુઓને નિશાન બનાવી સોનાના દાગીનાની લૂંટ કરવામાં આવી રહી છે.

 લૂંટની ઘટનાઓ

ગઈકાલે પર્વત પર યાત્રા કરી રહેલા એક મહિલા પ્રવાસીને અટકાવી અજાણ્યા શખ્સો તેમની પાસેથી સોનાનો ચેઈન લૂંટીને ફરાર થઈ ગયા હતા. આ ઘટનાની શાહી હજુ સુકાઈ નથી ત્યાં આજે ફરી એક યાત્રિકને છરી બતાવી મોતના ડર નીચે સોનાના ચેઈનની લૂંટ ચલાવવામાં આવી છે. ધોળા દિવસે પવિત્ર યાત્રાધામમાં હથિયાર બતાવી થતી લૂંટને કારણે સુરક્ષા વ્યવસ્થાના લીરેલીરા ઉડ્યા છે.

અખાત્રીજ પૂર્વે સુરક્ષા વધારવા માંગ

આગામી બે દિવસ બાદ અખાત્રીજનો પવિત્ર પર્વ છે, જેમાં હજારોની સંખ્યામાં જૈન યાત્રિકો ઉમટી પડશે. ત્યારે આ પ્રકારની ઘટનાઓથી યાત્રિકોમાં ડર વ્યાપી ગયો છે. સમગ્ર મામલે પોલીસને જાણ કરવામાં આવતા તપાસ શરૂ કરવામાં આવી છે. જોકે, સ્થાનિક લોકો અને યાત્રિકો દ્વારા અહીં કાયમી પોલીસ બંદોબસ્ત અને સિક્યુરિટી ફાળવવાની પ્રબળ માંગ ઉઠી છે.

આ પણ વાંચો—  Local Body Elections 2026 : સુરત કોંગ્રેસના ઉમેદવારનો ગંભીર આરોપ, મને ફોર્મ પરત લેવા માટે 75 લાખની ઓફર કરાઇ હતી, રાજકારણમાં ગરમાવો

જે ખેલાડી પર IPL ઓક્શનમાં મુંબઈ સિવાય અન્ય કોઈ ટીમે બોલી લગાવી ન હતી, જે ખેલાડીને છેલ્લી ચાર મેચમાં બહાર રાખવામાં આવ્યો હતો, તેણે હવે IPL 2026 માં અદ્ભુત પ્રદર્શન કર્યું છે. અમે ક્વિન્ટન ડી કોક વિશે વાત કરી રહ્યા છીએ, જેણે પંજાબ કિંગ્સ સામે શાનદાર સદી ફટકારી હતી.

ડી કોકે માત્ર 53 બોલમાં સદી ફટકારી હતી. આ ખેલાડીએ 7 છગ્ગા અને 7 ચોગ્ગાની મદદથી સદી પૂરી કરી હતી. આ IPL 2026 માં ડી કોકની પહેલી સદી અને તેના IPL કારકિર્દીની ત્રીજી સદી છે. ડી કોકે 60 બોલમાં અણનમ 112 રન બનાવ્યા હતા.

ક્વિન્ટન ડી કોકે પંજાબ કિંગ્સ સામે સદી ફટકારીને એક મોટો રેકોર્ડ પણ બનાવ્યો. ડી કોક IPL માં ત્રણ અલગ અલગ ટીમો માટે સદી ફટકારનાર પ્રથમ વિદેશી ખેલાડી છે. ડી કોકે દિલ્હી ડેરડેવિલ્સ, લખનૌ સુપર જાયન્ટ્સ અને હવે મુંબઈ ઈન્ડિયન્સ માટે સદી ફટકારી છે.

ક્વિન્ટન ડી કોકે T20 ક્રિકેટમાં પોતાની નવમી સદી ફટકારી છે. તે T20 ઈતિહાસમાં સૌથી વધુ સદી ફટકારનાર વિકેટકીપર-બેટ્સમેન છે. તેણે T20 સદીઓના મામલે વિરાટ કોહલી, રિલી રુસો અને સાહિબઝાદા ફરહાનની બરાબરી કરી લીધી છે.

રોહિત શર્માની ઈજાને કારણે ક્વિન્ટન ડી કોકનો પ્લેઈંગ ઈલેવનમાં સમાવેશ કરવામાં આવ્યો હતો. ડી કોકે તેના પહેલા જ બોલ પર સિક્સર મારીને પોતાનું ખાતું ખોલ્યું. જોકે, ત્યારબાદ મુંબઈએ રાયન રિકલ્ટન અને સૂર્યકુમાર યાદવની વિકેટ ગુમાવી દીધી.

મુંબઈ મુશ્કેલીમાં હતું, પરંતુ ડી કોક ટકી રહ્યો, તેને નમન ધીરનો સાથ મળ્યો. નમન ધીર અને ડી કોક વચ્ચે સદીની ભાગીદારી થઈ. તેમણે 68 બોલમાં 122 રન ઉમેર્યા. આ ભાગીદારીથી મુંબઈનો સ્કોર 20 ઓવરમાં 195 રન સુધી પહોંચવામાં મદદ મળી, જેમાં નમન ધીરે 31 બોલમાં 50 રન બનાવ્યા. (PC:X/IPL)

Breaking News: પાંચમી ઓવરના બીજા બોલ પર યુઝવેન્દ્ર ચહલે કરી મોટી ભૂલ, પંજાબ કિંગ્સને 108 રનનું ભારે નુકસાન

શ્રેયસ ઐયરે Shreyas Iyerએ રોહિત અને સૂર્યાની સામે જ એવો કમાલ કર્યો કે એક જ ક્ષણે આખી મેચનું મૂડ બદલાઈ ગયું. મુંબઈ ઇન્ડિયન્સ સામેની આ મેચમાં પંજાબ કિંગ્સે શરૂઆત સારી કરી હતી, પરંતુ ત્યારબાદ ટીમને વિકેટ લેવા માટે ભારે મહેનત કરવી પડી. ખાસ કરીને નબળી ફિલ્ડિંગને કારણે ઘણી તકો હાથમાંથી સરકી ગઈ, જેના કારણે વિરોધી ટીમને મજબૂત સ્કોર બનાવવા મદદ મળી.

મેચ દરમિયાન પંજાબની ફિલ્ડિંગ ખૂબ જ સામાન્ય રહી. શરૂઆતમાં જ એક સરળ કેચ છોડાયો હતો, ત્યારબાદ રન-આઉટની તકો પણ બગાડી દેવામાં આવી. આવી ભૂલોનો સીધો અસર ટીમના પ્રદર્શન પર પડ્યો અને મુંબઈ ઇન્ડિયન્સના બેટ્સમેનોને દબાણમાંથી બહાર આવવાની તક મળી.

પણ મેચના અંતિમ ઓવરોમાં, કેપ્ટન શ્રેયસ ઐયરે પોતાની ટીમ માટે રમત ફેરવી નાખી. 18મી ઓવરમાં, જ્યારે Hardik Pandya બેટિંગ કરી રહ્યો હતો, ત્યારે તેણે મોટા શોટ્સ મારવાનો પ્રયાસ કર્યો. એક બોલ પર તેણે છગ્ગો ફટકાર્યો, પરંતુ ત્યારબાદ તે જ શોટ ફરી રમવા ગયો અને ત્યાં જ ગેમ બદલાઈ ગઈ.

લોંગ-ઓન બાઉન્ડ્રી પર ઉભેલા ઐયરે અદભુત ટાઈમિંગ સાથે ઊંચો કૂદકો મારીને બોલ પકડ્યો. પરંતુ તરત જ તેને સમજાયું કે તે બાઉન્ડ્રી લાઇન પાર કરી જશે. એ સ્પ્લિટ સેકન્ડમાં તેણે અદ્ભુત સમજદારી બતાવી અને હવામાં જ બોલને પાછો મેદાનમાં ફેંકી દીધો. જ્યાં Xavier Bartlettએ સરળતાથી કેચ પૂર્ણ કર્યો. આ ક્ષણે માત્ર એક વિકેટ નહીં, પણ આખી મેચનું મોમેન્ટમ બદલાઈ ગયું.

SHREYAS IYER, WHAT HAVE YOU DONE!!

One of the best catches you would see in the #TATAIPL history

Updates https://t.co/Fn2dxJ4zYR#KhelBindaas | #MIvPBKS | @PunjabKingsIPL pic.twitter.com/6EKgHR82cL

— IndianPremierLeague (@IPL) April 16, 2026

આ દ્રશ્ય એટલું અચંબિત કરનારું હતું કે Rohit Sharma અને Suryakumar Yadav સહિત મુંબઈ ઇન્ડિયન્સના ખેલાડીઓ પણ સ્તબ્ધ રહી ગયા. ખાસ વાત એ હતી કે આ કેચ મુંબઈના ડગઆઉટથી ખૂબ નજીક લેવામાં આવ્યો હતો, જેના કારણે બધાએ આ ક્ષણને લાઈવ જોઈ અને તરત જ પ્રતિક્રિયા આપી.

આ શાનદાર ફિલ્ડિંગના કારણે હાર્દિક માત્ર 14 રન પર આઉટ થયો અને મુંબઈ ઇન્ડિયન્સ, જે 200 પાર જતી દેખાતી હતી, તે 195 રન પર અટકી ગઈ. એક જ ફિલ્ડિંગ મોમેન્ટ કેવી રીતે મેચનું ચિત્ર બદલી શકે છે, તેનો આ એક પરફેક્ટ ઉદાહરણ બની ગયું.

પાંચમી ઓવરના બીજા બોલ પર યુઝવેન્દ્ર ચહલે કરી મોટી ભૂલ, પંજાબ કિંગ્સને 108 રનનું ભારે નુકસાન

સ્થાનિક સ્વરાજ્યની ચૂંટણીમાં અરવલ્લી જિલ્લાની ઓડ બેઠક પરથી ચૂંટણી લડી રહેલા પૂર્વ IPS અધિકારી મનોજ નીનામા હાલ રાજકીય વર્તુળોમાં ચર્ચાનું કેન્દ્ર બન્યા છે. ચૂંટણી પંચમાં રજૂ કરેલી તેમની એફિડેવિટ (સોગંદનામા) માં અનેક ચોંકાવનારા ખુલાસા થયા છે. આ પૂર્વ ઉચ્ચ પોલીસ અધિકારીની સામે હત્યાની કોશિશ (કલમ 307) જેવો ગંભીર ફોજદારી ગુનો નોંધાયેલો હોવાની વિગતો સામે આવી છે.

4.19 કરોડની સ્થાવર અને જંગમ મિલકત

મનોજ નીનામાની આર્થિક સ્થિતિની વાત કરીએ તો, તેઓ કરોડોની મિલકતના આસામી છે. સોગંદનામા મુજબ, તેમની પાસે કુલ રૂ. 4.19 કરોડની સ્થાવર અને જંગમ મિલકત છે. આ ઉપરાંત, તેમના અને પરિવારના નામે શેરબજાર અને બેંકિંગ ક્ષેત્રમાં કરોડોનું રોકાણ કરવામાં આવ્યું છે.

તેમના માથે રૂ. 1.24 કરોડનું દેવું

જોકે, આ સંપત્તિની સાથે તેમના માથે રૂ. 1.24 કરોડનું દેવું પણ બોલે છે. ગાંધીનગર અને પંચમહાલ જેવા વિસ્તારોમાં તેઓ કિંમતી જમીનો ધરાવે છે.

સુરક્ષા માટે 32 બોરની રિવોલ્વર પણ રાખે છે

પોલીસ બેડામાં વર્ષો સુધી સેવા આપનાર નીનામા પોતાની સુરક્ષા માટે 32 બોરની રિવોલ્વર પણ રાખે છે. એક તરફ પૂર્વ IPS અધિકારી તરીકેની તેમની ઓળખ અને બીજી તરફ તેમની સામે નોંધાયેલો ગંભીર ગુનો – આ બંને પાસાઓએ ઓડ બેઠક પરના રાજકીય સમીકરણોમાં ઉત્તેજના ભરી દીધી છે. અરવલ્લી જિલ્લા પંચાયતની આ બેઠક પર હવે મતદારો પૂર્વ અધિકારીના ભૂતકાળ અને મિલકતની વિગતોને કઈ રીતે લે છે, તે જોવું રસપ્રદ રહેશે.

આ પણ વાંચો—-    Local Body Elections 2026 : 7 વાગ્યાનું અપડેટ, ગુજરાતમાં 194 બેઠકો બિનહરીફ, 1832 ફોર્મ પરત ખેંચાતા રાજકીય ચિત્ર સ્પષ્ટ

વિનોદ કાંબલી લાંબા સમયથી આરોગ્યની સમસ્યાઓથી પીડાઈ રહ્યો છે. થોડા મહિના પહેલા તેના ક્રિકેટર મિત્રો અને રાજ્ય સરકારની મદદથી તેની સારવાર કરવામાં આવી હતી, જેના કારણે તેના સ્વાસ્થ્યમાં સુધારો જોવા મળ્યો હતો. પરંતુ તાજેતરમાં મળેલી માહિતી મુજબ તેની સ્થિતિ ફરી નબળી પડી રહી છે.

કાંબલીની યાદશક્તિમાં નોંધપાત્ર ઘટાડો

ખાસ કરીને તેની યાદશક્તિમાં નોંધપાત્ર ઘટાડો થયો છે. તે દવાઓ લેવાનું પણ ઘણીવાર ભૂલી જાય છે, જે તેની સારવાર માટે મોટી અડચણ બની રહી છે. આ સ્થિતિને કારણે તેના સ્વાસ્થ્ય પર વધુ ગંભીર અસર પડી શકે છે.

કાંબલીને મગજના સ્ટ્રોકનો ખતરો

મીડિયા રિપોર્ટ્સ મુજબ, કાંબલીને મગજના સ્ટ્રોકનો ખતરો છે. મગજમાં લોહી ગંઠાવાની સમસ્યા હોવાનું પણ કહેવામાં આવી રહ્યું છે. યોગ્ય આહાર અને દવાઓનું પાલન ન થવાને કારણે આ સમસ્યા વધુ ગંભીર બની શકે છે.

Vinod Kambli has been very close to my heart since the very early days of my life, even when I barely understood the game. His ongoing struggle with health has been incredibly painful and heartbreaking. May Vasudeva remain by his side and give him the inner strength he needs to… pic.twitter.com/DATps5Q0aS

— Sauvik Raha (@SauvikRaha) April 15, 2026

કાંબલીની મદદ માટે વોટ્સએપ ગ્રુપ

આ પરિસ્થિતિને ધ્યાનમાં રાખીને તેના ક્રિકેટર મિત્રો ફરી એકવાર મદદ માટે આગળ આવ્યા છે. તેની સારવાર માટે નાણાં એકત્રિત કરવા માટે એક વોટ્સએપ ગ્રુપ બનાવવામાં આવ્યું છે, જેમાં સચિન તેંડુલકર સહિતના નજીકના મિત્રો જોડાયા હોવાના અહેવાલ છે.

ઘણી બાબતો ભૂલી જાય છે કાંબલી

કાંબલીના મિત્રોએ જણાવ્યું કે તેણે દારૂ પીવાનું બંધ કર્યું છે, પરંતુ તે ઘણી બાબતો ભૂલી જાય છે. ક્યારેક તે ભૂલી જાય છે કે તેને ધુમ્રપાન નથી કરવાનું અને રસ્તા પર લોકો પાસેથી સિગારેટ માંગતો જોવા મળે છે, જે તેની હાલતનું ગંભીરની નિશાની છે.

મગજ પર પડતી અસરથી સંતુલન બગડ્યું

હાલમાં કાંબલીની કિડની, હૃદય અને લીવર પર કોઈ ગંભીર અસર નથી, પરંતુ મગજ પર પડતી અસરને કારણે તેના શરીરનું સંતુલન બગડી રહ્યું છે. આ પરિસ્થિતિમાં યોગ્ય સારવાર અને સતત દેખરેખ ખૂબ જરૂરી બની ગઈ છે. ચાહકો તેના સ્વાસ્થ્યમાં સુધારા માટે પ્રાર્થના કરી રહ્યા છે.

Breaking News: રિષભ પંત સાથે રોહિત શર્મા જેવી જ ઘટના બની, આઉટ થયા વિના જ મેદાન છોડવું પડ્યું

ધાનેરા તાલુકાના કોટડા નજીક ગોઝારો માર્ગ અકસ્માત સર્જાયો છે, જેમાં શટલ ઈકો કાર અને પિકઅપ ડાલા વચ્ચે જોરદાર અથડામણ થતાં 21થી વધુ લોકો ઘાયલ થયા છે, જ્યારે એક વ્યક્તિનું મોત નિપજ્યું હોવાનું જાણવા મળ્યું છે. ઘટનાને કારણે વિસ્તારમાં હાહાકાર મચી ગયો છે.

18થી વધુ લોકોને ઘેટાં-બકરાંની જેમ બેસાડ્યા હતા

મળતી માહિતી મુજબ ઈકો ગાડીમાં સવાર લોકો ડીસાથી જેલોત્રા ગામ તરફ જઈ રહ્યા હતા. ગાડીમાં ક્ષમતા કરતાં ઘણાં વધુ લોકો ભરાયા હતા અને અંદાજે 18થી વધુ લોકોને ઘેટાં-બકરાંની જેમ ગોઠવીને મુસાફરી કરાવવામાં આવી રહી હતી, જેના કારણે અકસ્માત સમયે નુકસાન વધુ થયું હોવાનું માનવામાં આવે છે. અકસ્મતમાં ઈકો અને પિકઅપ વચ્ચે જોરદાર ટક્કર થતાં ઘણા મુસાફરો ગંભીર રીતે ઈજાગ્રસ્ત થયા. ઘટના બાદ સ્થાનિક લોકો તરત જ મદદ માટે દોડી આવ્યા અને બચાવ કામગીરી શરૂ કરી હતી. ઘાયલોમાંથી 12થી વધુ લોકોને તાત્કાલિક સારવાર માટે પાલનપુર ખાતે ખસેડવામાં આવ્યા છે.

બેદરકારી આ અકસ્માતનું મુખ્ય કારણ

સ્થળ પર સરકારી એમ્બ્યુલન્સોની અછત જોવા મળતા બચાવ કામગીરીમાં મુશ્કેલી ઉભી થઈ હતી, જેના કારણે ખાનગી એમ્બ્યુલન્સોની મદદ લેવામાં આવી હતી. ખાનગી એમ્બ્યુલન્સ દ્વારા જ મોટાભાગના ઘાયલોને હોસ્પિટલ પહોંચાડવામાં આવ્યા હતા. પ્રાથમિક તપાસ મુજબ ઓવરલોડિંગ અને બેદરકારી આ અકસ્માતનું મુખ્ય કારણ હોવાનું સામે આવી રહ્યું છે. પોલીસે ઘટના અંગે વધુ તપાસ હાથ ધરી છે અને જવાબદારો સામે કાયદેસરની કાર્યવાહી કરવામાં આવશે. આ ઘટનાએ માર્ગ સુરક્ષા અને વાહન વ્યવહારના નિયમો અંગે ગંભીર પ્રશ્નો ઉભા કર્યા છે.

આ પણ વાંચો : Ahmedabad : ચાંદખેડાના બે બાળકીઓના મોત મામલે માતા-પિતા અને દાદા-દાદીની શરૂ કરાઇ ઉલટ તપાસ