સમાચાર

ઉનાળાની કાળઝાળ ગરમીમાં સવારે કંઈક એવું ખાવાનું મન થાય છે જે ટેસ્ટી પણ હોય અને પેટ માટે હલકું પણ હોય. સામાન્ય રીતે આપણે શિયાળામાં ભારે અને મસાલેદાર પરાઠા ખાતા હોઈએ છીએ, પણ ઉનાળામાં આવો ખોરાક પચવામાં ભારે પડે છે.

ભારતીય ઘરોમાં સવારના નાસ્તામાં પરાઠા ખૂબ જ લોકપ્રિય છે. પરંતુ ઉનાળાની ઋતુમાં વધુ તેલ અને મસાલાવાળા પરાઠા ખાવાનું મન થતું નથી. આ ગરમીના દિવસોમાં લોકો એવો નાસ્તો પસંદ કરે છે જે હલકો હોય, સ્વાદિષ્ટ હોય અને સરળતાથી પચી જાય.

ફુદીના પરાઠા (Pudina Paratha) : ઉનાળામાં ફુદીનો શરીર માટે વરદાન સમાન છે, કારણ કે તેની પ્રકૃતિ ઠંડી હોય છે. ઘઉંના લોટમાં ફુદીનાના પાનની પેસ્ટ અથવા સૂકો પાવડર, લીલા ધાણા અને હળવા મસાલા ઉમેરીને આ પરાઠા બનાવી શકાય છે. તે સ્વાદમાં ખૂબ જ લાજવાબ લાગે છે અને ગરમીમાં પાચનતંત્ર (Digestion) ને એકદમ મજબૂત રાખે છે.

દૂધીના પરાઠા (Lauki Paratha) : દૂધીમાં લગભગ 90% થી વધુ પાણી હોય છે, જે ઉનાળામાં શરીરને હાઇડ્રેટેડ રાખે છે. દૂધીને છીણીને તેને લોટમાં મિક્સ કરીને (પાણી નિતાર્યા વગર) લોટ બાંધવાથી પરાઠા એકદમ સોફ્ટ બને છે. બાળકો જે દૂધીનું શાક નથી ખાતા, તેમને આ પરાઠા ખૂબ જ પસંદ આવશે.

દહીં પરાઠા (Dahi Paratha) : દહીં પ્રોબાયોટિક્સથી ભરપૂર હોય છે અને પેટને ઠંડક આપે છે. લોટ બાંધતી વખતે પાણીના બદલે તાજા દહીંનો ઉપયોગ કરીને આ પરાઠા બનાવવામાં આવે છે. દહીંના કારણે પરાઠા લાંબા સમય સુધી એકદમ નરમ રહે છે, જેથી તમે તેને પ્રવાસમાં કે લંચ બોક્સમાં પણ લઈ જઈ શકો છો.

કાકડીના પરાઠા (Cucumber Paratha) : કાકડી શરીરને અંદરથી હાઇડ્રેટ રાખવા અને ગરમી દૂર કરવા માટે ઉત્તમ ગણાય છે. કાકડીને સરસ છીણીને, તેમાં થોડું જીરું, લીલા મરચાં અને કોથમીર ઉમેરીને લોટ સાથે ગૂંથી લો. આ પરાઠા પચવામાં ખુબજ હલકા હોય છે અને ઉનાળાની સવાર માટે પરફેક્ટ નાસ્તો છે.

પાલક-કોથમીર પરાઠા (Palak-Kothmir Paratha) : ભલે ઉનાળામાં મેથી ન ખાવી જોઈએ (કારણ કે તેની તાસીર ગરમ હોય છે), પણ પાલક અને કોથમીરનો ઉપયોગ ચોક્કસ કરી શકાય. પાલકમાંથી ભરપૂર આયર્ન મળે છે અને કોથમીર પેટને ઠંડક આપે છે. બંનેની પ્યુરી બનાવીને લોટમાં મિક્સ કરવાથી લીલાછમ અને હેલ્ધી પરાઠા તૈયાર થાય છે.

પનીર અને ડુંગળીના પરાઠા (Paneer-Pyaz Paratha) : જો તમને સવારે પ્રોટીનયુક્ત નાસ્તો કરવો ગમતો હોય, તો લો-ફેટ પનીરમાં ઝીણી સમારેલી ડુંગળી મિક્સ કરીને પરાઠા બનાવો. ડુંગળી ઉનાળામાં લૂ (ગરમ પવન) થી બચાવે છે અને પનીર લાંબા સમય સુધી પેટ ભરેલું રાખે છે. આમાં મસાલાનું પ્રમાણ બિલકુલ ઓછું રાખવું.

સત્તુના પરાઠા (Sattu Paratha) : ચણાના શેકેલા લોટમાંથી બનતું ‘સત્તુ’ ઉનાળાનું સુપરફૂડ છે. સત્તુની તાસીર ખૂબ જ ઠંડી હોય છે. સત્તુમાં થોડી ડુંગળી, લીંબુનો રસ, ધાણા અને સહેજ અથાણાનો મસાલો મિક્સ કરીને પરાઠામાં સ્ટફિંગ (ભરણ) કરવામાં આવે છે. આ પરાઠા એનર્જીથી ભરપૂર હોય છે અને ગરમી સામે રક્ષણ આપે છે.
Image credit: Whisk AI

જાહેર ચેતવણી : આ લેખમાં આપવામાં આવેલી તમામ માહિતી, જાણકારીના હેતુ માટે લખવામાં આવી છે. સ્વાસ્થ્ય સંબંધિત કંઈપણ અનુસરતા પહેલા નિષ્ણાતની સલાહ લો.

ગુજરાતમાં કાળઝાળ ગરમી વચ્ચે મેઘરાજાની થશે એન્ટ્રી, વેસ્ટર્ન ડિસ્ટર્બન્સના કારણે આગામી બે દિવસ વરસાદની આગાહી, આ સ્ટોરી વાંચવા અહીં ક્લિક કરો

આજના ડિજિટલ યુગમાં બાળકોમાં મોબાઈલ ગેમનું વળગણ કેટલું હદ સુધી વધી ગયું છે અને તે કેવી મોટી મુશ્કેલી સર્જી શકે છે, તેનો લાલબત્તી સમાન કિસ્સો સુરત શહેરમાંથી સામે આવ્યો છે. સુરતના ચોકબજાર પંડોળ વિસ્તારમાં રહેતા એક પરિવારના ત્રણ બાળકો (ભાઈ-બહેન) એકસાથે ગુમ થઈ જતાં સમગ્ર વિસ્તારમાં અરેરાટી સાથે પોલીસ તંત્રમાં દોડધામ મચી ગઈ હતી. જોકે, સુરત પોલીસે આ મામલાને અત્યંત ગંભીરતાથી લઈને બાળકોને હેમખેમ શોધી કાઢી પ્રશંસનીય કામગીરી કરી છે.

પિતાનો ઠપકો અને બાળકોનો ચોંકાવનારો નિર્ણય

પ્રાપ્ત વિગતો અનુસાર, ત્રણેય ભાઈ-બહેનો મોબાઈલ ફોનમાં સતત ગેમ રમતા હોવાથી તેમના પિતાએ તેમને સામાન્ય ઠપકો આપ્યો હતો અને મોબાઈલ બાબતે લડ્યા હતા. પિતાના આ ઠપકાથી નારાજ થઈને ત્રણેય માસૂમો કોઈને પણ કહ્યા વગર ઘરેથી ભાગી છૂટ્યા હતા. બાળકો ઘરેથી નીકળી સીધા સુરત રેલવે સ્ટેશને પહોંચ્યા હતા અને ત્યાંથી ટ્રેનમાં બેસીને મુંબઈ અને ત્યારબાદ છેક દેશની રાજધાની દિલ્હી સુધી ભાગી ગયા હતા. એકસાથે ત્રણ સંતાનો ગુમ થતા પરિવાર ભાંગી પડ્યો હતો અને ચોકબજાર પોલીસ મથકે ફરિયાદ નોંધાવી હતી.

પોલીસનું મેગા સર્ચ ઓપરેશન અને સુખદ અંત

ગુમ થયેલા બાળકો સગીર વયના હોવાથી પોલીસ કમિશનરની સૂચનાથી તાત્કાલિક ગુમ થયેલા બાળકોને શોધવા માટેની ખાસ ઝુંબેશ ‘ઓપરેશન મુસ્કાન’ એક્ટિવ કરવામાં આવી હતી. પોલીસે કલાકના આધારે રૂટ ટ્રેક કરવા માટે સુરત સ્ટેશન અને આસપાસના વિસ્તારોના ૪૦૦થી વધુ સીસીટીવી ફૂટેજ બારીકાઈથી ચેક કર્યા હતા. આ સાથે જ દિલ્હી અને મુંબઈ રૂટના ૧૫થી વધુ મોટા રેલવે સ્ટેશનો અને રેલવે પોલીસ (GRP/RPF) ને તુરંત એલર્ટ કરવામાં આવ્યા હતા.

આખરે ત્રણેય બાળકોનું લોકેશન મળી આવ્યું

ટેકનિકલ સર્વેલન્સ અને હ્યુમન ઇન્ટેલિજન્સની મદદથી આખરે ત્રણેય બાળકોનું લોકેશન મળી આવ્યું હતું. બાળકોને સુરક્ષિત રીતે તાબામાં લઈને જ્યારે ફરી સુરત લાવવામાં આવ્યા, ત્યારે ચોકબજાર પોલીસ સ્ટેશનમાં ભાવુક દ્રશ્યો સર્જાયા હતા. પોલીસે કાયદાકીય પ્રક્રિયા પૂર્ણ કરી ત્રણેય બાળકોનું તેમના માતા-પિતા સાથે પુનઃ મિલન કરાવ્યું હતું. માતા-પિતાએ સુરત પોલીસનો હૃદયપૂર્વક આભાર માન્યો હતો, જ્યારે પોલીસે પણ વાલીઓને બાળકો પ્રત્યે નરમ વલણ રાખવા અને મોબાઈલના વપરાશ પર પ્રેમથી દેખરેખ રાખવા સલાહ આપી છે.

આ પણ વાંચો: Ahmedabad News: મેટ્રો સ્ટેશનો નજીક AMCનું ફ્રી પાર્કિંગ માટે આયોજન, 14 સ્ટેશન પાસે 17 પ્લોટ ફાળવ્યા

ગુજરાતમાં કાળઝાળ ગરમીનો પ્રકોપ યથાવત રહેતા હજુ પણ લોકોને ગરમીથી કોઈ રાહત મળે તેવી શક્યતા દેખાતી નથી. બીજી તરફ હવામાન વિભાગ દ્વારા રાજ્યના કેટલાક વિસ્તારોમાં બે દિવસ ગાજવીજ સાથે વરસાદની આગાહી કરવામાં આવી છે. વેસ્ટર્ન ડિસ્ટર્બન્સ સક્રિય થતા વરસાદની આગાહી કરવામાં આવી છે.

વેસ્ટર્ન ડિસ્ટર્બન્સ સક્રિય થતા વરસાદની આગાહી

ગુજરાતમાં હવામાન વિભાગે આજે અને આવતીકાલે વરસાદની આગાહી કરી છે. અમરેલી, ગીર સોમનાથ, નવસારી, ડાંગ, વલસાડ, દમણ, દાદરાનગર હવેલીમાં આજે અને આવતીકાલે વરસાદની શક્યતાઓ છે. આજથી ગાજવીજ સાથે વરસાદની આગાહી કરાઈ છે. 23 મેએ સૌરાષ્ટ્ર કચ્છમાં માવઠાની આગાહી કરાઈ છે.પ્રિ મોન્સૂન એક્ટિવિટ સક્રિય થઈ હોવાથી વરસાદની આગાહી કરાઈ છે. વેસ્ટર્ન ડિસ્ટર્બન્સ સક્રિય થતા વરસાદની આગાહી કરાઈ છે.

મહત્તમ તાપમાન સતત 40 ડિગ્રી સેલ્સિયસ

હવામાન વિભાગના આંકડા મુજબ, રાજ્યના મોટાભાગના પ્રમુખ શહેરોમાં મહત્તમ તાપમાન સતત 40 ડિગ્રી સેલ્સિયસની ઉપર નોંધાઈ રહ્યું છે.જેમાં અમદાવાદ 43.7 ડિગ્રી અને રાજકોટ 43.5 ડિગ્રી તાપમાન સાથે સમગ્ર રાજ્યમાં સૌથી ગરમ કેન્દ્રો સાબિત થયા છે.આ ઉપરાંત કંડલા,અમરેલી અને સુરેન્દ્રનગર જેવા વિસ્તારોમાં પણ પારો 42 ડિગ્રીથી વધુ રહેતા બપોરના સમયે હીટવેવ જેવી સ્થિતિ સર્જાઈ રહી છે.ગાંધીનગર, વડોદરા અને ભાવનગર સહિતના અન્ય શહેરોમાં પણ અસહ્ય ઉકળાટ અને લૂના કારણે જનજીવન ખરાબ રીતે પ્રભાવિત થયું છે.

આ પણ વાંચોઃ Cabinet Meeting : સેવા તીર્થમાં આયોજિત મંત્રીઓની બેઠક સાડા ચાર કલાક ચાલી, વડાપ્રધાન મોદીએ આપ્યા આ નિર્દેશ

આજનું રાશિફળ વીડિયો: શું આજે ભાગ્ય તમારો સાથ આપશે? જાણો આજના દિવસની નાની-મોટી તમામ આગાહી. કોના પર વરસશે ધન અને કોને મળશે નોકરીમાં સારા સમાચાર? વ્યવસાયમાં નફો મેળવવાની ટિપ્સ અને સ્વાસ્થ્યની સાવચેતી સાથે જુઓ આજનું રાશિફળ. પ્રેમી પંખીડાઓ માટે આજનો દિવસ કેવો રહેશે, જાણો અહીં.

મેષ રાશિ: ગ્રહ-નક્ષત્રોની ચાલથી આજે તમારા માટે ધન કમાણીની ઘણી તકો ઊભી થશે.

વૃષભ રાશિ: આજે તમે તમારા ઘરના વડીલો પાસેથી પૈસાની બચત કરવા અંગે કોઈ સલાહ લઈ શકો છો અને તે સલાહને જીવનમાં સ્થાન પણ આપી શકો છો.

મિથુન રાશિ: જો તમે યાત્રા પર જવાના હો તો પોતાના કિંમતી સમાનનું ધ્યાન રાખો. નાના બાળકો તમને વ્યસ્ત રાખશે તથા આનંદ લાવશે.

કર્ક રાશિ: યુવાનોને સાંકળતી પ્રવૃત્તિઓમાં સહભાગી થવા માટે સારો સમય. આજે તમારી ઊર્જાનું સ્તર ઊંચું રહેશે,

સિંહ રાશિ: મિત્રો સાથે સાંજ સારી વીતશે, પણ વધુ પડતું ખાવા-પીવામાં ધ્યાન રાખજો.

કન્યા રાશિ: ધીરજ રાખો કેમ કે તમારા સતત પ્રયાસો વિવેકબુદ્ધિ તથા સમજદારી તમને સફળતાની ગેરેન્ટી આપે છે.

તુલા રાશિ: આજે તમારામાં ઊર્જાની વિપુલતા હશો-પણ કામનું દબાણ બેચેન કરી નાખે એવું જણાય છે.

વૃશ્ચિક રાશિ: વધુ પડતો ખોરાક લેવાથી દૂર રહો અને સ્વસ્થ રહેવા માટે હૅલ્થ ક્લબની નિયમિત મુલાકાત લો.

ધન રાશિ: અન્યો સાથે ખુશી વહેંચવાથી તમારા સ્વાસ્થ્યમાં સુધારો થશે. તમે જાણો છો એવા લોકો દ્વારા આવકનો નવો સ્રોત ઊભો થશે.

મકર રાશિ: ઘરના કામકાજ પૂર્ણ કર્યા પછી, ગૃહિણીઓ આજે ખાલી સમયમાં ટીવી અથવા મોબાઈલ પર મૂવી જોઈ શકે છે.

કુંભ રાશિ: આર્થિક બાબતોમાં ચોક્કસ સુધારો થશે-પણ તેની સાથે જ ખર્ચમાં પણ વધારો થશે. આજે તમારું મન શાંત રહેશે, જે તમને દિવસભર ફાયદો કરાવશે.

મીન રાશિ: આજે તમને કોઈ અજાણ્યા સ્ત્રોત્ર થી ધન લાભ થયી શકે છે જેના લીધે તમારી ઘણી આર્થિક મુશ્કેલીઓ દૂર થયી જશે.

નોંધ: અહીં આપવામાં આવેલો ઉપાય ધાર્મિક આસ્થાઓ અને લોક માન્યતાઓ પર આધારિત છે, જેનો કોઈ વૈજ્ઞાનિક પુરાવો નથી. સામાન્ય જનરૂચિને ધ્યાનમાં રાખીને આ લેખને અહીં પ્રસ્તુત કરવામાં આવ્યો છે.

વડા પ્રધાન નરેન્દ્ર મોદી અને ઇટાલીના પ્રધાનમંત્રી જ્યોર્જિયા મેલોની જેઓ ઘણીવાર વૈશ્વિક રાજકારણમાં સાથે જોવા મળે છે, તેઓ ફરી એકવાર ચર્ચામાં છે. મેલોની કરોડોની મિલકત અને રોમમાં એક વૈભવી એપાર્ટમેન્ટ ધરાવે છે.

જ્યોર્જિયા મેલોનીનો જન્મ 15 જાન્યુઆરી 1977ના રોજ ઇટાલીના રોમમાં થયો હતો. તેના પિતા ફ્રાન્સેસ્કો મેલોની, સાર્દિનિયાના રેડિયો ડિરેક્ટર નીનો મેલોની અને લોમ્બાર્ડીની અભિનેત્રી ઝો ઇન્ક્રોસીના પુત્ર હતા.

જ્યોર્જિયા મેલોનીનો પરિવાર અને પર્સનલ લાઈફ વિશે જાણો

મેલોનીની માતા, અન્ના પેરાટોર, સિસિલીના છે. તેના પિતા ટેક્સ સલાહકાર હતા અને કેટલાક રાજકીય પ્રોફાઇલ્સ અનુસાર, સામ્યવાદી સહાનુભૂતિ ધરાવતા હતા અને ઇટાલિયન કોમ્યુનિસ્ટ પાર્ટીને મત આપતા હતા, જ્યારે તેની માતા નવલકથાકાર હતી.

તેના પિતાએ 1978માં પરિવાર છોડી દીધો હતો જ્યારે તે એક વર્ષની હતી, કેનેરી ટાપુઓ ગયા હતા અને ફરીથી લગ્ન કર્યા હતા. મેલોનીને તેના પિતાના બીજા લગ્નથી ચાર સાવકા ભાઈ-બહેન છે.

17 પછી 1995માં, તેને ડ્રગ હેરફેરનો દોષી ઠેરવવામાં આવ્યો હતો અને સ્પેનિશ જેલમાં નવ વર્ષની સજા ફટકારવામાં આવી હતી. તેણે છેલ્લે 2006માં મેલોનીનો સંપર્ક કર્યો હતો, જ્યારે તે ચેમ્બર ઓફ ડેપ્યુટીઝની ઉપપ્રમુખ બની હતી.

મેલોનીનો ઉછેર રોમના ગાર્બેટેલાના મજૂર-વર્ગ જિલ્લામાં થયો હતો, તેના પિતાના ગયાના થોડા વર્ષોમાં ઘરમાં આગ લાગવાથી બધુ નાશ પામ્યું હતુ.

તેની આત્મકથામાં, મેલોનીએ લખ્યું છે કે ,તેનું બાળપણ અને તેના પરિવારના ભંગાણએ તેના રાજકીય દૃષ્ટિકોણને પ્રભાવિત કર્યો હતો. મેલોનીની એક બહેન, એરિયાના છે, જેનો જન્મ 1975માં થયો હતો અને 2023 માં પાર્ટીના રાજકીય સચિવાલયના વડા તરીકે નિયુક્ત કરવામાં આવી હતી.

ઇટલીની મહિલા પહેલી પ્રધાનમંત્રી જ્યોર્જિયા મેલોનીની સંપત્તિ તેમના ચૂંટણી અને સત્તાવાર રેકોર્ડમાં નોંધાયેલી છે. મેલોનીની કુલ સંપત્તિ 10 થી 20 મિલિયન યુરો (ભારતીય રૂપિયામાં આશરે 11 થી 23 કરોડ રૂપિયા) ની વચ્ચે હોવાનો અંદાજ છે.

જ્યોર્જિયા મેલોની 1998થી રાજકારણમાં છે, 2006 થી સંસદ સભ્ય છે, 2008માં સૌથી નાની ઉંમરની મંત્રી બની અને હવે વડા પ્રધાન છે. છેલ્લા કેટલાક વર્ષોથી તેમનીઆવક વધી રહી છે.

મેલોનીને એક પુત્રી છે, જેનો જન્મ 2006માં થયો હતો.ઇટાલિયન પીએમના ભૂતપૂર્વ પતિ એન્ડ્રીયા ગિઆમ્બ્રુનો છે, જે એક પ્રખ્યાત ઇટાલિયન પત્રકાર છે.

મેલોનીનું જીવન સંઘર્ષોથી ભરેલું રહ્યું છે અને તેમણે ખૂબ જ નાની ઉંમરે રાજકારણમાં પ્રવેશ કર્યો હતો. મેલોની સિંગલ મધર છે. (all photo : PTI)

તમારા મનપસંદ હીરો, હિરોઈન, ક્રિકેટર, રાજનેતા, ઉદ્યોગપતિ, અગ્રણી મહિલા, અન્ય ખેલાડી વગેરેના ફેમિલી ટ્રી જોવા માટે ક્લિક કરો

વિદેશ જવાના અને ત્યાં જઈને લાખો રૂપિયા કમાવવાના સપના જોતા યુવાનોને શિકાર બનાવતી વધુ એક આંતરરાજ્ય વિઝા ઠગ ગેંગનો પર્દાફાશ થયો છે. આ વખતે ઠગોએ સામાન્ય નાગરિકોને નહીં, પરંતુ વિઝા કન્સલ્ટિંગ ક્ષેત્રે કામ કરતી સુરતની એક મહિલા એજન્ટને જ પોતાની માયાજાળમાં ફસાવીને લાખો રૂપિયાનો ચૂનો લગાવ્યો છે. સોશિયલ મીડિયા પર યુકે (United Kingdom) અને કેનેડા (Canada) ની વર્ક પરમિટ વિઝા આપવાની જાહેરાત જોઈને આ આખી છેતરપિંડી આચરવામાં આવી છે.

જાહેરાત જોઈને સંપર્ક કર્યો અને છેતરાયા

મળતી વિગતો અનુસાર, સુરતની પીડિત મહિલા એજન્ટે સોશિયલ મીડિયા પ્લેટફોર્મ પર વિદેશની વર્ક પરમિટ સરળતાથી અપાવવાની એક આકર્ષક એડવર્ટાઇઝમેન્ટ જોઈ હતી. પોતે વિઝાના વ્યવસાય સાથે સંકળાયેલી હોવાથી, તેણે પોતાની પાસે આવેલા અન્ય ૧૮ સ્થાનિક યુવકોને વિદેશ મોકલવા માટે આ જાહેરાત આપનાર એજન્સીનો સંપર્ક કર્યો હતો. સામે પક્ષેથી વિઝા પ્રોસેસિંગ ફી અને દસ્તાવેજોના નામે અલગ-અલગ તબક્કે નાણાંની માગણી કરવામાં આવી હતી.

ખરાઈ કર્યા વિના ચૂકવ્યા 10.18 લાખ

મહિલા એજન્ટે સામેવાળી વ્યક્તિઓની ઓફિસ, લાયસન્સ કે વિઝાની અધિકૃતતાની કોઈપણ પ્રકારની ચોક્કસ ખરાઈ (વેરિફિકેશન) કર્યા વિના જ આંધળો વિશ્વાસ મૂકી દીધો હતો. તેણે તમામ ૧૮ યુવકો પાસેથી ફાઈલ ચાર્જ પેટે મેળવેલા કુલ રૂપિયા ૧૦,૧૮,૦૦૦ (દસ લાખ અઢાર હજાર) ઓનલાઇન ટ્રાન્સફર કરી દીધા હતા. નાણાં ચૂકવાઈ ગયા બાદ પણ જ્યારે લાંબા સમય સુધી વિઝા ન આવ્યા અને સામે પક્ષેથી ગોળ-ગોળ જવાબો મળવા લાગ્યા, ત્યારે મહિલાને પોતાની સાથે છેતરપિંડી થઈ હોવાનો અહેસાસ થયો હતો.

આ પણ વાંચો: Ahmedabad: ગુજરાતમાં કાળઝાળ ગરમીનું મોજું, પવનની દિશા બદલાતા અસહ્ય ઉકળાટથી જનજીવન પ્રભાવિત

આજે 21 મેને ગુરુવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.

પ્રધાનમંત્રી નરેન્દ્ર મોદી મંગળવારે સાંજે ઇટાલી પહોંચ્યા હતા. જે તેમના પાંચ દેશોના પ્રવાસના અંતિમ અને પાંચમા તબક્કામાં છે. રાજધાની રોમમાં પ્રધાનમંત્રીનું સ્વાગત કરવામાં આવ્યું. ઇટાલીના નાયબ પ્રધાનમંત્રી એન્ટોનિયો તાજાનીએ એરપોર્ટ પર પીએમ મોદીનું સ્વાગત કર્યું હતું તે દરમિયાન ત્યાં ભારતીય સમુદાયમાં ભારે ઉત્સાહ પણ જોવા મળ્યો હતો. રોમની હોટલમાં પ્રધાનમંત્રી મોદીના સન્માનમાં ખાસ સાંસ્કૃતિક કાર્યક્રમોનું આયોજન કરવામાં આવ્યું હતું. શાસ્ત્રીય અને સાંસ્કૃતિક નૃત્ય પ્રદર્શન તેમજ વાદ્ય સંગીત રજૂ કરવામાં આવ્યું હતું.

Landed in Rome, Italy. I will be meeting President Sergio Mattarella and Prime Minister Giorgia Meloni and holding discussions with them. This visit will focus on how to boost India-Italy cooperation, especially focusing on the India-Middle East-Europe Economic Corridor (IMEC).… pic.twitter.com/vJ42n7OZ6K

— Narendra Modi (@narendramodi) May 19, 2026

હું રોમ, ઇટાલીમાં ઉતર્યો છું: પ્રધાનમંત્રી

વડાપ્રધાનએ તેમની પોસ્ટમાં જણાવ્યું હતું કે, “હું રોમ, ઇટાલીમાં ઉતર્યો છું. હું રાષ્ટ્રપતિ સર્જિયો માટ્ટારેલા અને પ્રધાનમંત્રી જ્યોર્જિયા મેલોની સાથે મુલાકાત કરીશ અને વાટાઘાટો કરીશ. આ મુલાકાતનો મુખ્ય ઉદ્દેશ્ય ભારત અને ઇટાલી વચ્ચે સહયોગને મજબૂત બનાવવાનો છે, ખાસ કરીને ભારત-મધ્ય પૂર્વ-યુરોપ આર્થિક કોરિડોર (IMEC) પર ધ્યાન કેન્દ્રિત કરીને. સંયુક્ત વ્યૂહાત્મક કાર્ય યોજના 2025-2029 ની પણ સમીક્ષા કરવામાં આવશે.” હું સંયુક્ત રાષ્ટ્રના ખાદ્ય અને કૃષિ સંગઠન (FAO) ના મુખ્યાલયની પણ મુલાકાત લઈશ, જે બહુપક્ષીયતા અને વૈશ્વિક ખાદ્ય સુરક્ષા પ્રત્યે ભારતની પ્રતિબદ્ધતાને મજબૂત બનાવશે.

ભારત-ઇટાલી સંબંધો મજબૂત

ભારત અને ઇટાલીના સંબંધો તાજેતરના વર્ષોમાં ઝડપથી મજબૂત થયા છે. બંને પક્ષો સંયુક્ત વ્યૂહાત્મક કાર્ય યોજના 2025-2029 ને સક્રિયપણે અનુસરી રહ્યા છે. જે ઘણા ક્ષેત્રોમાં સહયોગ માટે એક વ્યાપક માળખું છે. 2025માં બંને દેશો વચ્ચે વેપાર $16.77 અરબ સુધી પહોંચ્યો હતો, જ્યારે ઇટાલીથી ભારતમાં કુલ વિદેશી રોકાણ $3.66 અરબ નોંધાયું હતું. આ રોકાણોમાં સંરક્ષણ અને સુરક્ષા, સ્વચ્છ ઉર્જા, નવીનતા, વિજ્ઞાન અને ટેકનોલોજી અને લોકો-થી-લોકોના આદાનપ્રદાનનો સમાવેશ થાય છે.

Welcome to Rome, my friend! pic.twitter.com/mUjFL4HIqY

— Giorgia Meloni (@GiorgiaMeloni) May 19, 2026

જ્યોર્જિયા મેલોનીએ સેલ્ફી કરી શેર

ઇટાલીના વડા પ્રધાન જ્યોર્જિયા મેલોનીના ખાસ આમંત્રણ પર થઈ રહેલી આ મુલાકાત પીએમ મોદીની ઇટાલીની પ્રથમ સત્તાવાર દ્વિપક્ષીય મુલાકાત છે. મેલોનીએ તેમના સોશિયલ મીડિયા હેન્ડલ પર પીએમ મોદી સાથેનો ફોટો શેર કરીને તેમનું સ્વાગત કર્યું. કેપ્શનમાં, મેલોનીએ લખ્યું, “રોમમાં આપનું સ્વાગત છે, મારા મિત્ર!” પીએમ મોદી અગાઉ તેમના પ્રવાસ દરમિયાન નોર્વે, સ્વીડન, નેધરલેન્ડ અને સંયુક્ત આરબ અમીરાતની મુલાકાત લઈ ચૂક્યા છે.

આ પણ વાંચો, નાના શહેરો માટે સરકારનો મોટો પ્લાન: આ રાજ્યો સહિત ગુજરાતમાં ઊભા કરાશે 56 નવા EV ચાર્જિંગ સ્ટેશન!

રાજ્યમાં મંગળવારે ફરી NICના લીધે ‘વાહન’ પોર્ટલ ખોરવાતા ફરી મુશ્કેલી ઊભી થઈ હતી. 25 હજારથી વધુ અરજીઓ અટવાઈ ગઈ હતી અને RTOમાં અરજદારોને ધરમધક્કો પડ્યો હતો. વાહન પોર્ટલ બંધ હોવા છતાં તંત્ર દ્વારા સોશિયલ મીડિયાથી કોઈ સત્તાવાર જાણ કરાઈ નહોતી, જેના લીધે આકરા તાપમાં સમયસર પહોંચેલા અરજદારોને કલાકો સુધી બેસાડી રખાતા તેઓ પરેશાન થઈ ગયા હતા. RTOમાં મંગળવારે ઓફ્લાઇન કામ બંધ હતું તો વાહન રજિસ્ટ્રેશન, પરમીટ સહિતની ઓનલાઈન કામગીરી પણ અટકી ગઈ હતી. જેના લીધે કેટલાક વાહન ડીલરોના શો-રૂમ પર ગ્રાહકોનો કકળાટ જોવા મળ્યો હતો.

ઉચ્ચ અધિકારીઓનું NICનું રટણ ચાલુ રહ્યું

વાહનવ્યવહાર વિભાગના ઉચ્ચ અધિકારીઓનું NICનું રટણ ચાલુ રહ્યું હતું અને વિવિધ એપોઈન્ટમેન્ટ રિશીડ્યુલ કરી આપી હતી. બુધવારે પોર્ટલ અંગે તપાસ કર્યા પછી જ અરજદારોને RTO કચેરીમાં આવવા અપીલ કરાઈ છે. રાજ્યના વાહનવ્યવહાર વિભાગની ઘોર બેદરકારી અને નેશનલ ઈન્ફોર્મેટિક્સ સેન્ટરના સર્વરમાં ગત સપ્તાહમાં ચાર દિવસ ટેકનિકલ ખામી બાદ મંગળવારે સવારથી જ પોર્ટલ સંપૂર્ણપણે બંધ રહેતા રાજ્યભરની RTO કચેરીઓમાં આવેલા હજારો અરજદારોને ભારે હાલાકીનો સામનો કરવો પડ્યો હતો. સમગ્ર રાજ્યમાં વાહન પોર્ટલ ઠપ થવાના લીધે નવા વાહનની ઓનલાઈન રજિસ્ટ્રેશન, રેગ્યુલર નંબર, HSRP, વાહનમાં લોન દાખલ, લોન કેન્સલ, જૂના વાહનો ટ્રાન્સફર, અન્ય રાજ્યના વાહન ટ્રાન્સફર, ટ્રાન્સપોર્ટ વાહનની પરમીટ સહિતની ઓનલાઈન અને ઓફ્લાઈન મળી 25 હજારથી વધુ અરજીઓ અટવાઈ પડી હતી.

અધિકારીઓ માત્ર મીટિંગોમાં વ્યસ્ત છે

આશ્ચર્યની વાત એ છે કે, વાહનવ્યવહાર વિભાગના ઉચ્ચ અધિકારીઓને પણ આ સમસ્યાના મૂળ સુધી પહોંચવામાં રસ હોય તેમ લાગતું નથી. અધિકારીઓ માત્ર મીટિંગોમાં વ્યસ્ત છે, પરંતુ ગ્રાઉન્ડ લેવલ પર નીચેના સ્તરના RTO અધિકારીઓ કે અરજદારોને સાચી હકીકત જણાવવામાં આવતી નથી. નવા વાહનોના રજિસ્ટ્રેશન ન થવાને કારણે ઓટોમોબાઈલ સેક્ટર પર પણ તેની માઠી અસર પડી છે. વાહન ડીલરોના શો-રૂમ પર ગ્રાહકોએ હોબાળો મચાવ્યો હતો. ડીલરોનું કહેવું છે કે પોર્ટલ ન ચાલવાને કારણે તેઓ ગ્રાહકોને વાહનની ડિલિવરી આપી શકતા નથી. બીજી તરફ, તંત્ર દ્વારા આ ગંભીર સમસ્યા અંગે સોશિયલ મીડિયા પર કોઈ પણ પ્રકારની એડવાઈઝરી જાહેર ન કરાતા અરજદારોનો રોષ સાતમા આસમાને પહોંચ્યો છે.

આ પણ વાંચોઃ Gandhinagar News: JPCની ટીમનો ગુજરાતમાં આજે બીજો દિવસ, CM સહિત રાજકીય નેતાઓની મિટિંગ